Panteón de Galegos Ilustres
.jpg)
S Panteón de Galegos Ilustres, boarisch Ruhmeshoin vo d berihmtn Galicia is in da Kira vom Convento de San Domingos de Bonaval (boarisch Dominikanisches Klousta vo Bonaval) z Santiago de Compostela in Galicien, Spanien.
D gonze Kira guit ois Pantheon, oba nua d Kapejn vo da Hoamsuachung und d Kapejn vom Heilign Kristus wean echt gnuzt. Do findn galicische Berihmtheitn eana ewige Ruah. Beispuisweis de Dichdarin Rosalia de Castro, da Politika Alfredo Brañas, da Buidhaua Francisco Asorey, da Dichda Ramón Cabanillas, da Geograph Domingo Fontán und da Kinstla und Nationalist Alfonso Daniel Rodríguez Castelao.
Gschicht
[Werkeln | Am Gwëntext werkeln]D Idää is uaspringli vo galicischn Auswondaran af Kuba fiagschlogn woarn. D easchte, wo ins Pantheon hiikeman is, woar d Dichdarin Rosalia de Castro om 25. Mai 1891. Segs Joar noch iam Doud is s vom Friedhof vo Adina ibafiaht woarn. Ia Mausoleum is a Orbat vom Jesús Landeira Iglesias.
D naxte Ibatrogung woar de vom Alfredo Brañas anno 1906. Sei Grob is voam Mausoleum vo da Rosalia de Castro afgstejt woarn. Af d Weis is s Projekt vom Pantheon vasteakt woarn.
Anno 1961 is da Francisco Asorey Buidhaua direkt im Pantheon begrobn woarn und anno 1967 is da Ramón Cabanillas vom Friedhof vo Cambados dohii valegt woarn. Ea is vo Buenos Aires ibafiaht woarn, vo ra im Exui glebt hod und 1950 gstoarm is. Sei Mausoleum is in da Kapejn zan Heilign Kristus, wo d äitaste Kira vom Klousta is.
Anno 1988 is da Kartograph Domingo Fontán im Pantheon begrom woarn. Ea is vom Zentraifriedhof vo Santiago de Chile ibafiaht woar und is wia da Ramón Cabanillas in da Kapejn zan Heilign Kristus begrom.
Galerie
[Werkeln | Am Gwëntext werkeln]-
S Portal vo da Kira vom Convento de San Domingos de Bonaval -
Da Sarcophag vom Alfonso Daniel Rodríguez Castelao -
S Grob vom Alfonso Daniel Rodríguez Castelao -
S Grob vo da Rosalia de Castro
Literatua
[Werkeln | Am Gwëntext werkeln]- Fernandez Ferreiro, Xosé: "O Panteón de Galegos Ilustres", dans La Voz de Galicia, 1984
- Gran Enciclopedia Galega, volume 34
- Miguélez-Carballeira, Helena: A Companion to Galician Culture, Valog Coleccion Tamesis: Serie a, Monografias, 2014, ISBN 1855662779, S. 63
- Miguélez-Carballeira, Helena: Galicia, A Sentimental Nation: Gender, Culture and Politics, University of Wales Press Cardiff, 2013, S. 66