Spanien

Der Artikl is im Dialekt Obaboarisch gschrim worn.

Spanien España
Flaggn Woppm
Amtssproch	Spanisch, Regionale Amtssprochn: Katalanisch, Galizisch, Baskisch
Haptstod	Madrid
Stootsform	Parlamentarische Monarchie
Stootsobahapt	Kini Juan Carlos I.
Premierminister	Mariano Rajoy Brey
Flächn	504.646 km² (50. Plotz)
Eiwohnazoi	44,11 Mio. (2005)
Bevejkarungsdichtn	86 Eiwohna pro km²
BIP	$27.074 pro Kopf
Hymne	Marcha Real
Wearung	Euro
Zeitzona	UTC+1 MEZ UTC+2 MESZ (Meaz - Oktoba)
Kfz-Kennzeichn	E
Internet-TLD	.es
Vorwoi	+34
Log vo Spanien in Eiropa

Spanien (amtlich Kinigreich Spanien, spanisch Reino de España [ˈrejno ð(e) esˈpaɲa]) is a Stoot im Sidwestn vo Eiropa af da Iberischn Hoibinsl. De Haptstod is Madrid.

Eadkunde

Im Westen grenzt Spanien an Portugal, im Nordn an Frankreich und an Zwergstoot Andorra und gånz im Siden hängt no de britische Kolonie Gibraltar dro. Zu Spanien ghern a no de zwoa Städt Ceuta und Melilla, wo aufm afrikanischn Kontinent liegn und on Marokko grenzen, de Balearn im Mittelmeer und außerdem de kanarischn Inseln, wo im Atlantik vor da marokkanischen Kistn liang.

Am Festland hods zwoa große Gebiag: d'Sierra Nevada im Siaden und d'Pireneen an der Grenz noch Frankreich. Da hechste Berg is da Mulhacén mit 3482 Meter, owa af Teneriffa in de Kanaren håts mim Pico de Teide (3718 m) no an hechern Gipfe. De wichtigsten Flüss han da Duero, da Tejo und da Ebro.

In da Mittn vo Spanien is im Somma recht hoass und trocken, im Osten hods a typisch Mittelmeerklima. An da Atlantikkistn ko s a amoi a weng käiter wern und in de Berg scheits im Winter a.

Flora

De Vegetation vo da Iberischen Hoibinsl teit si in drei grosse Bereiche af:

• Vegetation s feichtn Spanien: Oacha, Buacha
• Vegetation vom drockanen Spanien: immagreane Oacha (Stoaoacha, Korkoacha), Pinien und Poimen
• Vegetation vo de Gebiag je noch Hee: Stoaoacha, Korkoacha, Oacha, Edlkastanien, Wiesn, alpine Mogarasn

Intensiva Obau vo Kuituapflanzn eafordat Bewessarungstechnik.

Gresste Städde

Die zehn gresstn Städde (Stand: 1.Jenna 2009)

Stod	Eiwohna
Madrid	3.255.944
Barcelona	1.621.537
Valencia	814.208
Sevilla	703.206
Saragossa	674.317
Málaga	568.305
Murcia	436.870
Palma	401.270
Las Palmas de Gran Canaria	381.847
Bilbao	354.860

Beväikerung

Vo de guad 40 Millionen Oawohner han katholisch, der Rest han andere Christn, Moslems, Judn oda ham gor koa Religion. Fost oi redn spanisch, owa danebm hods aa an Haffa ondare Sprochn: im Ostn katalanisch, im Bakenland und in Navarra baskisch und im Nordwesten galizisch. Grad as katalanische is in letzter Zeit recht aufm Vormarsch und lest in Katalonien as spanische immer mehr als Verkehrssproch aa.

De moasten Spanier lem heit in da Stod. De gresstn Städd san

• Madrid (3.155.359 Oawohna am 1.1. 2005)
• Barcelona (1.593.075)
• Valencia (796.549)
• Sevilla (704.154)
• Zaragoza (647.373)
• Málaga (558.287)

Bevejkarungsentwicklung

Joar	Tsd. Eiwohna	Joar	Tsd. Eiwohna	Joar	Tsd. Eiwohna	Joar	Tsd. Eiwohna	Joar	Tsd. Eiwohna
1998	39.852	2001	41.116	2004	43.197	2007	45.200	2010	46.951
1999	40.202	2002	41.837	2005	44.108	2008	46.063
2000	40.499	2003	42.717	2006	44.708	2009	46.661

Sprochn

Sprochn z Spanien:

██ nur Kastilisch ██ Katalanisch ██ Baskisch ██ Galicisch ██ A Fala

██ Asturleonesisch ██ Extremadurisch ██ Aragonesisch ██ Aranesisch

Ausbroadung vo Sprochn af da iberischn Hoibinsl vom 13. bis zan 21. Joarhundat:

██ nur Kastilisch ██ Katalanisch ██ Aragonesisch ██ Baskisch

██ Asturleonesisch ██ Galicisch-Portugiesisch ██ Arabisch

In Spanien wead iwawiegend Kastilisch (Spanisch), Katalanisch, Galicisch und Baskisch gredd. Kastilisch it im gsamtn Stootsgebiet Amtssproche. Katalanisch is in de Autonoman Gmoaschoftn Katalonien, Valencia (duatn ois Valencianischt) und af de Balearen, Baskisch im Basknland und Tein vo Navarra und Galicisch in Galicien nem Kastilisch emfois Amtssproch (lenguas co-oficiales). Im Val d’Aran hod Aranesisch, a Varietät vom Gascognischen, offiziejn Status.

Danem existian oanige Sprochn, wo nur no vo oana gringan Ozoi vo Menschn gredd wead und ned an Status vo oana Amtssproch ham. Dazua ghean Asturleonesisch und Aragonesisch. Im Jálama-Toi (Provinz Cáceres) on da portugiesischn Grenz, wead A Fala ,a iwakommena Dialekt vo da galicisch-portugiesischn Sproch, gredd. In Melilla redd de masirische Mindaheit aa Tamazight.

Politik

Spanien is seit 1978 (neie Vafossung) a parlamentarische Monarchie. Da Titl vom Kini wead vaeabht. Da etzige Kini is da Juan Carlos I. Damit is a Stootsowahapt und Owabefejshowa vo da Armee. Thronfoiga is da Prinz Felipe de Borbón y Grecia.

De wichtigsten Partein in Spanien san de konservative Voikspartei (PP) und de Sozialisten (PSOE). Da Premierminister, wo vom Parlament gwäit werd, is etz da Mariano Rajoy vo da PP.

Spanien is in 17 autonome Regionen eiteit, so ähnlich wia in Deitschland und Östareich Bundeslända. S bsundare is owa, dass de Regionen in Spanien iare autonomen Rechte untaschiadli handham. Za de 17 Regiona kemman no de zwoa Städd Ceuta und Melilla afm afrikanischen Kontinent, wo za koana Region ghern. De Regiona han wiedarum in Provinzen eiteit.

Name vo da autonomen Region	Haptstod	Amtssprochn	Provinzn	Flächn (Otei)	Oawohner 2005 (Otei)
Andalusien (spanisch Andalucía)	Sevilla	Spanisch	Almería, Cádiz, Córdoba, Granada, Huelva, Jaén, Málaga, Sevilla	87.268 km² (17,2%)	7.849.799 (17,8%)
Aragonien (spanisch Aragón, katalanisch Aragó)	Saragossa (span. Zaragoza)	Spanisch	Huesca, Teruel, Saragossa	47.719 km² (9,4%)	1.269.027 (2,9%)
Asturien (asturisch Asturies, spanisch Asturias)	Oviedo	Spanisch	Asturien	10.604 km² (2,1%)	1.076.635 (2,4%)
Balearische Inseln (katalanisch Illes Balears, spanisch Islas Baleares)	Palma de Mallorca	Spanisch, Katalanisch	Balearische Inseln	4.992 km² (1,0%)	983.131 (2,2%)
Baskenland (baskisch Euskadi, spanisch País Vasco)	Vitoria	Spanisch, Baskisch	Álava, Guipúzcoa, Vizcaya	7.234 km² (1,4%)	2.124.846 (4,8%)
Extremadura	Mérida	Spanisch	Badajoz, Cáceres	41.634 km² (8,2%)	1.083.879 (2,5%)
Galicien (galicisch Galiza oder Galicia, spanisch Galicia)	Santiago de Compostela	Spanisch, Galizisch	La Coruña, Lugo, Orense, Pontevedra	29.574 km² (5,8%)	2.762.198 (6,3%)
Kanarische Inseln (spanisch Islas Canarias)	Santa Cruz de Tenerife und Las Palmas de Gran Canaria	Spanisch	Santa Cruz de Tenerife, Las Palmas	7.447 km² (1,5%)	1.968.280 (4,5%)
Kantabrien (spanisch Cantabria)	Santander	Spanisch	Kantabrien	5.321 km² (1,0%)	542.275 (1,3%)
Kastilien-La Mancha (spanisch Castilla-La Mancha)	Toledo	Spanisch	Albacete, Ciudad Real, Cuenca, Guadalajara, Toledo	79.463 km² (15,7%)	1.894.667 (4,3%)
Kastilien-León (spanisch Castilla y León)	Valladolid	Spanisch	Ávila, Burgos, León, Palencia, Salamanca, Segovia, Soria, Valladolid, Zamora	94.223 km² (18,6%)	2.510.849 (5,7%)
Katalonien (katalanisch Catalunya, spanisch Cataluña)	Barcelona	Spanisch, Katalanisch, Aranesisch	Barcelona, Girona, Lleida, Tarragona	32.114 km² (6,3%)	6.506.440 (15,9%)
La Rioja	Logroño	Spanisch	La Rioja	5.045 km² (1,0%)	301.084 (0,7%)
Madrid (spanisch Comunidad de Madrid)	Madrid	Spanisch	Madrid	8.028 km² (1,6%)	5.964.143 (13,5%)
Murcia (spanisch Región de Murcia)	Murcia	Spanisch	Murcia	11.313 km² (2,2%)	1.335.792 (3,0%)
Navarra (baskisch Nafarroa)	Pamplona	Spanisch, Baskisch	Navarra	10.391 km² (2,1%)	593.472 (1,3%)
Valencia (valencianisch Comunitat Valenciana, spanisch Comunidad Valenciana)	Valencia	Spanisch, Valencianisch (Katalanisch)	Alicante, Castellón, Valencia	23.255 km² (4,6%)	4.692.449 (10,6%)
Name vo da autonomen Stådt
Ceuta		Spanisch		18,5 km²	75.276 (0,2%)
Melilla		Spanisch		20 km²	65.488 (0,1%)

Literadua

• Walther L. Bernecker (Hrsg.): Spanien-Handbuch. Geschichte und Gegenwart. Francke, Tübingen 2006, ISBN 3-8252-2827-4 (UTB 2827).
• Walther L. Bernecker (Hrsg.): Spanien heute. Politik - Wirtschaft - Kultur. 5. Auflage. Vervuert, Frankfurt am Main 2008, ISBN 3-86527-418-8.

Im Netz

•  Commons: Spanien – Sammlung vo Buidl, Videos und Audiodateien
•  Wikimedia-Atlas: Spanien – geografische und historische Koartn

Stootn in Eiropa

Albanien | Andorra | Belgien | Bosnien-Herzegowina | Bulgarien | Dänemark² | Deitschland | Estland | Finnland | Frankreich² | Griachaland | Holland² | Irland | Island | Italien² | Kasachstan¹ | Kosovo | Krowozien | Lettland | Liachtnstoa | Litaun | Luxmburg | Malta | Mazedonien | Moldawien | Monaco | Montenegro | Norwegn² | Östareich | Poin | Portugal² | Rumänien | Russland¹ | San Marino | Schwedn | Schweiz | Serbien | Slowakei | Slowenien | Spanien² | Tiakei¹ | Tschechei | Ukraine | Ungarn | Vatikanstod | Vaeinigts Kinireich² | Weißrussland

¹ Liegt zan gresstn Tei in Asien.  ² Hod aa Gebiete aussahoib vo Eiropa.

 

Mitgliedsstootn vo da Eiropäischn Union

Belgien | Bulgarien | Dänemark | Deitschland | Estland | Finnland | Frankreich | Griachaland | Holland | Irland | Italien | Lettland | Litaun | Luxmburg | Malta | Östareich | Poin | Portugal | Rumänien | Schwedn | Slowakei | Slowenien | Spanien | Tschechei | Ungarn | Vaeinigts Kinireich | Zypern

 

Mitgliedstootn vo da OECD

Australien | Belgien | Chile | Dänemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxmburg | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Südkorea | Slowakei | Slowenien | Spanien | Tschechei | Tiakei | Ungarn | Vaeinigte Staatn | Vaeinigts Kinireich