Pow Wow

Aus Wikipedia
Wexln zua: Navigation, Suach
Großa Eizug (Grand Entry) vom Omaha Pow Wow 1983
Raffndanz
De große Dromme

A Pow Wow (aa Pow-Wow oder Powwow) is a Treffn vo nordamerikanischn Indianan. Des Wort kimmt aus da Sproch vo de Narrangansett und bedeidt do "spirituella Fiahra" bzw. "Medizinmo" (Schamane). De iatzige Bedeitung hod Pow Wow eascht im 19. Joahundat untam Eifluss vo de weißn Siedla griagt.

Heit is a Pow Wow a Event, wo Indiana und a ondare Leidln zammkema und danzn, singa, quatschn und da Indiana-Kuitua eana Reverenz zoang. Danz-Wettbeweabe stenga heit moast im Middlpunkt, oft gehts dabei aa um hohe Preisgäida. Dazua san Drommen und Singa Hauptbstondtei vo so am Event. A Pow Wow ko nua a boa Stund dauan owa aa bis zu oana Woch.

De Pow Wows san heit da wichtigste Ausdruck vo de Indianakuituan in da Effentlichkeit.

Organisation und Eaeffnung[VE | Weakln]

Fia de Organisation vo da Vaostoitung is as Powwow Committee zuaständi. Es suacht unta ondam Sponsorn, mocht de Weabung, bucht de Kinstla und wiabt de Hejfa o.

Da Plotz wo s Pow Wow stodfindt is oft in vaschiedane Kroas aufteit. Da middlare Kroas is fia de Dänza reserviat.

De Vaonstoitung fongt mitn Großn Einzug ('Grand Entry') o und moastns no mit am Gebet. Ois eachts wead da Odlastob ('eagle staff') einedrong, gfoigt vo de Fohnadroga (moast Kriagsveteranen), do drauf keman de Dänza. Dazua singt oana vo de Drommla s Eaeffnungsliad ('opening song'). De Eaeffnung guit fia vui Indiana ois heilige Zeremonie.

Dänz[VE | Weakln]

Es gibt vui vaschiedane Dänz im Pow Wow, de wo ma ebba so kategorisian kennt:

  • Men’s Traditional, traditionella Danz vo de Monna
  • Women’s Traditional, traditionella Danz vo de Weiba
  • Men’s Grass Dance, Grosdanz vo de Monna
  • Women’s Jingle Dress Dance, Jingledanz vo de Weiwa
  • Men’s Fancy Feather Dance, Fedandanz vo de Monna
  • Women’s Fancy Shawl Dance, Schoidanz vo de Weiba
  • Hoop Dance, Raffndanz

Musi[VE | Weakln]

De Musi wead imma live vo ana Gruppm voadrong. Via bis zehn Leidln schlong zamma auf a große Dromme, de wo floch iba da Eadn aufghängt is. Dazua singans traditionelle Liada. De große Dromme hod im Pow Wow an mystischn Kuitstatus. Da "keeper of the drum" (Hiata vo da Dromme) oda aa "lead singer" (Vuasänga) gibt duach Gestn und sein Gsong s Tempo und de Lautsteakn voa.

Literadua[VE | Weakln]

  • Nettl, Bruno (1989). Blackfoot Musical Thought: Comparative Perspectives. Ohio: The Kent State University Press. ISBN 0-87338-370-2.
  • Roberts, Chris (1992). Powwow Country. ISBN 1-56037-025-4.

Im Netz[VE | Weakln]

 Commons: Pow Wows – Sammlung vo Buidl, Videos und Audiodateien