Pozuzo
| Der Artikl is im Dialekt Owaöstareichisch gschrim worn. |
Koordinaten: 10° 4′ S, 75° 32′ W
  Pozuzo
|
|
Då liegt Pozuzo in Peru
|
Pozuzo is da Nãum vu am Beziak in da Region Pasco im zentaln Peru und da Nãum vum Hauptoat vu dem Beziak.
Da Nãum „Pozuzo“ kimmd vu am Båch, dea aa so hoaßt, und is a Woat aus da Språch vu de Amuesha und bedeitt „Fluss mi'm såizing Wåssa“.
D'Bevöikarung lebt greßtnteus vum Tourismus und vu da Lãndwiatschåft (Gugaruz, Südfrüchte, Kaffee, Tabak, Viehzucht und teuweis Koka-Ãnbau).
Inhoitsvazeichnis |
[drå werkln] Geographie
Pozuzo liegt in da Provinz Oxapampa im Department vo Pasco, im zentraln Regnwoidgebiet (Selva Central) vo Peru. Da Oat liegt auf ana Hechn vu 750 Meta am Huancabamba-Fluss und håd 1000 Einwohna. Pozuzo is 520 km vo da peruanischn Haptstod Lima entfernt, 160 km vo da Stod La Merced und 78 km vo da Provinzhaptstod Oaxpampa. De Temperaturn bewegn si um an Joareschnitt vo 24 °C. Des Klima is hoass und regnarisch.
[drå werkln] Sengaswiadigkeitn
- “San José” Kiach: de easchte vo de Kolonistn baute Kiach (1875)
- Friedhof vo da Kolonie: molarische Olog mit Gräbern vo oin prominentn Kolonistn, wia beispuisweis Pforra José Egg
- Schafferer-Museum: Sammlung vo Fotografien, Keramiken, Küchengerätn und Wertgegnständn aus da Gschicht vo da Kolonie
[drå werkln] Gschicht
S'Tåi vu Pozuzo wåa, bevoa de Spania de Gengd kolonisiad håm, vu indigene Leid bewohnt. 1859 is de „Kolonie Pozuzo“ vu Tirola , Rheinlända und a boa Bayern gründt woan. Ãugwoam woan han de Auswãndara vum deitschn Foascha und Wöidreisndn Damian Freiherr vu Schütz-Holzhausen. Da Leita vu dea Gruppm wåa da katholische Priesta Joseph Egg aus Tiroi. De Gruppm aus 180 Tirola und 120 Rheinlända und Bayern is 1857 vu Antwerpm weg mid am Fråchtsegla Richtung Peru (Huacho) losgsögit, es hãm's vu de åwa netta 156 bis nåch Pozuzo gschåfft. A zweite Wöin vu Einwãndara is 1868 kemma.
Laud am Schüdl am Oatsausgãng nennd si Pozuzo la única colonia Austro – Alemana del mundo („d'anzige östareichisch-deitsche Kolonie vu da Wöid“).
[drå werkln] Gmoapartnaschaftn
[drå werkln] Literatua
Habicher, Bruno: Pozuzo. Schicksal, Hoffnung, Heimat. Briefe, Berichte, Kommentare. Innsbruck:Berenkamp, 2001.
