Puch

Aus Wikipedia
Wexln zua: Navigation, Suach

De Puch-Werke, san 1899 vom Johann Puch gründt worn. Se worn a österreichischs Unternehmen des Motoren, Fohrradln, Mopeds, Motorradl und Autos produziert hod.

Gschicht[VE | Weakln]

s'Puch-Hochhaus am Eigong vom (ehemoligen) Puch-Werk in Graz Thondorf midn Puch-Emblem aufm Dachi

An Johann Puch sei erste Fabrikationsstättn wor in da Strauchergossn in Graz. Dort san u.A. Schlittschua und Fohrradl produziert worn. Späda daun is de Produktion in a richtige Fabrik valogat worn. Des Staummwerk, wos ma späda „Einser-Werk“ gnennt hod, is im Südn vo Graz entstaundn. Dort san daun ob 1901 a Motorn und ab 1904 a Autos baut worn.
1912 is da Puch Johann aus seina Firma ausgstiegn und is dort da Ehrenpräsident worn.
Im Johr 1928 is aus da Fusion vo Austro Daimler, Oeffag und de Puch Werke de Austro-Daimler-Puchwerke A.G entstaundn. Am 12. Oktober 1934 hod se Austro-Daimler-Puch mit da Steyr AG zur Steyr-Daimler-Puch AG fusioniert. Nochm zweitn Wödkriag san im „Zweier-Werk“ in Thondorf bei Graz daun Fohrradl, Mopeds, Motorradl, Personenwogen und Geländewogn (Haflinger, Pinzgauer, Puch G) entwicklt und produziert worn.

Puch Mopeds[VE | Weakln]

1952 had de Konstruktion fias erste Puch Moped, de MS 50 augfaungt. 1954 is des erste Modell vo da MS 50 da Presse vorgestöt worn, des erste Modö hod nu an kloanen 3 Lita Tank ghobt und an kleanaren Raumen ois de spädaren Puch MS Mopeds. Späda san weitare Mopeds wia de VS50 und de MV50 und in weitara Folge daun s'Puch Maxi entwicklt worn. Des Puch Maxi wor a 1969 vorgstöds Mofa, wos vo de Puch-Werken ois Nachfolger vo da oidn Puch MV 50 baut worn is. A bsundaheit vom Maxi is, dass des erste vo Puch produzierte Moped mid ana Fliekraftkupplung (Automatik) is.

s' Puch Maxi

Beleg[VE | Weakln]

  1. ↑ puch-bikes.com: Portrait

Literadua[VE | Weakln]

  • Friedrich F. Ehn: Das Puch-Buch Weishaupt Verlag
  • Friedrich F. Ehn: Puch-Automobile 1900-1990. Weishaupt Verlag (2007), ISBN 3-900310-54-8
  • Wolfgang J. Verwüster: "Puch. Mopeds, Roller & Kleinkrafträder" Weishaupt Verlag (2007), ISBN 978-3-7059-0254-1

Im Netz[VE | Weakln]

Hinweis auf des Puch-Museum in da Grazer Puchstraße (2008)
 Commons: Puch-Fahrzeuge – Sammlung vo Buidl, Videos und Audiodateien