Recto

Aus Wikipedia
Wexln zua: Navigation, Suach
Im bundanen Buach is links de Verso-Saitn und recht de Recto-Saitn.

Recto (lat.gråd, richdig“) hoast de Foadasaitn fu am Bladl Båbia, am Papiarus, am Peagament oda fu an Gödschain. Bai mitlåitaliche Biacha zöd ma oft Ãnzåi fu de Peagamentbladl und néd wia fü Saitn a Buach håd. Dafia schraibt ma dazua, ob ma fu da Foada- oda fu da Hintasaitn fu dém Bladl rét. Bai soichane åidn Kodizes mõand ma mid Recto-Saitn oiso de Foadasaitn fu am Peagamentbladl, oda im aufgschlåganen bundanen Buach de rechde Saitn. Bai da Saitnãngåb schraibt ma déswéng de Numa fum Peagamentbladl und dãn a hochgschdöds „r“, z. B. 76r, fia de Foadasaitn fum 76dn Bladl.

D'Hintasaitn hoast im Géngsåz dazua Verso.

Recto deaf ma néd fawegsln mid'n Woat Rectum, wås a fu da söbn lådainischn Wuazl kimd, åwa haid in da Medizin fian Enddarm schded.