Ridgmont

Ridgmont is a Ort und civil parish in Bedfordshire in England.

Gschicht[Werkeln | Am Gwëntext werkeln]

A easchte uakundliche Eewähnung van Ort hod 1086 unta'm Nam „Segenhoe“ im Domesday Book stottgfunden. Da Nam woa a Konstrukt, des af'm anglsäggsischn Namen „Hoh“ (fia: „Land“) gstondn is und'n Bsitza vo dem Land, vo om gwissn „Segga“, mid eihbezong hod. Entsprechnd hod „Segenhoe“ in etwa „Seggas Land“ bedeidd. Da draf foingde Nam: „Rugemund“, eastmois 1227 eawähnd, gehd af's franzesische „rouge mont“ („rouda Beag“) zruck, woraus se donn im Laff vo da Zeid da heitige Nam van Ort „Ridgmont“ obleitd.

In Ridgmont hod's a Buag gem, de easchtmois 1276 uakundli eawähnd worn is und oam Walter Beywin ghead hod.

De Wossavasoagung vo da Bevejkarung is znäxd duach Brunna gweahleisd worn, im 20. Joarhundad is a Wossatuam, sidli vo da Kiach, za Trinkwossavasoagung earichdd worn.^[1]

Gmäß da easchtn Voikszehjung, de 1801 stottgfundn hod, hod Ridgmont zan domoling Zeidpunkt 581 Eihwohna zehjd. Noch om im Joar 1851 sprunghoftn Ostieg af 999 Eihwohna, wos fosd ana Vadopplung gleikimma is, is de Zoih vo de Eihwohna kuaz noch da Joarhundadwende af 540 Peasona gsunkn. Noch om eaneitn Ostieg im Joar 1953, ois 983 Eihwohna zehjd worn san, is de Zoih im Joar 2001 (vo da bishea letzdn amtlichn Eahebung vo de Eihwohnazoihn) af 418 Peasona gsunkn.

Geografie[Werkeln | Am Gwëntext werkeln]

Geografisch liegd de Ortschoft im Noadn und Sidn jeweis af uma 350 m, duachquead vo om Toi. Ridgmont liegd vakeahsginstig on da Ausfoaht 13 vo da Autoboh M1 und in da Näh vo da Stod Milton Keynes, de se westli bfindd, und da Ortschoft Woburn im Sedwestn.

	Brogborough	Lidlington
Milton Keynes		Ampthill
Woburn	Eversholt	Flitwick

Untanehmen[Werkeln | Am Gwëntext werkeln]

In Ridgmont hom globoi tätige Vasondhandlsuntanehmen Ausliefarungsloga eastejd, wia beispuisweis Amazon oda FedEx, de sejbsd in umsotzschwochn Zeidn meah Menschn on diesm Stondort bschäfting, ois da gsomde Ort Eihwohna hod.^[2]^[3]