Rock (Gwand)

Aus Wikipedia
Wexln zua: Navigation, Suach
japanischa Foitnrock (Matrosngwand)

A Rock (vo oidhochdeitsch: roc(h) Gspinst, vo ruc spinna) wor im Middloita a Obagwand mit Earmen fia boade Gschlechta (ba Weiwan knechelang, ba Mannan knialang) Heit moants im Boarischn moast Fraungwand (an Kiddl) oda a Monnagwand (a Jackn).

Im Middloita hod si de Tradition duachgsetzt, dass de Fraun an Kiddl trogn hom und de Manna Hosn. De Tradition is in de letztn Joarzehnt in Auflesung begriffa. Hosn hom si aa fia Fraun duachgsetzt, speziej in da koidn Joareszeit. Da Damenrock wead vor oim im Summa und zu bestimmtn Olessn trogn. De Form vom Damenrock hod si fia Monna lange Zeit nua im Schottnrock (Kilt) dahoidn ghobt. Heit gibts oba aa wieda Manna, de wo de Form vo an "Damenrock" trogn.

Damenrock[VE | Weakln]

Da Damenrock is im Boarischn a Synonym fia Kiddl. Ea is in seina Form, Oart, Foarb und Läng sea variabl und extrem modeobhengig.

Es wead beispuiweis noch da Läng einteit: Minirock (moast eppa bis zu Mittn vo de Obaschenke), Midirock (eppa ibas Knia) und Maxirock (eppa bis za de Kneche); oda noch da Form: Foitnrock, Bleistiftrock, Glocknrock usw.

Herrnrock[VE | Weakln]

Herrnrock wead im Boarischn oft synonym fia Jackn vawendt. Im engan und traditionäin Sinn besteht a Herrnrock oba aus zwoa Tein, de wo an da Taille zammgnaht san. Beispui fia tradidionäie Formen: da Uniformrock, da Reitrock und da Gehrock.

Galerie[VE | Weakln]

Im Netz[VE | Weakln]

 Commons: Röcke – Sammlung vo Buidl, Videos und Audiodateien