Sefirot

Aus Wikipedia
Wexln zua: Navigation, Suach
De 10 Sefirot im kabbalistischn Lebmsbaam

De Sefirot san in da Kabbalah de zehn nummariatn Schepfakräfte (Emanationen), de wos aus an gettlichn Ursprung (Gott, Ein Soth, des Unendliche) entstaundn san. Se wean ois Lebmsbaam (Ez Chajim) mit 22 Vabindunspfade doagstöd.

Des dynamische Modö vom Lebmsbaam spieglt de gaunze gettliche Schepfung, den gaunzn Makro- und Mikrokosmos. Spekulative Kabbalistn (theoretische Kabbala) meditian damit, Magier (praktische Kabbala) nutzns Modö fia magische Operationen. Sämtliche Inhoite vo da irdischn und gettlichn Wöd wean dena zehn Sefirot zuagordnet. Dazua ghean tiafgrindige Deitungen vo da hebräischn Bibe, Foabm, Foamen, Engl, Wötn, vom menschliche Keapa und no vü meah. Olle meglichn Eafohrungen und Eaeignisse wean im Modö vom Lebmsbaam vaeinigt mit dem Zü vo geistiga Vatiafung (Vageistigung).

Begrifflichkeitn[VE | Weakln]

Sephirot heb.jpg

Sefirot ( aa Sephiroth, Sefiroth; heb. sg. סְפִירָה 'səfīrā Sefira, pl. סְפִירוֹת 'səfīrōt) is da Plural vom hebräischn Wuat Sefira, de wos Ziffa bedeit. De Kabbalah siecht in dem Begriff aa in mystischn Uasprung vom griachischn Wuat Sphärn. Es wiad aungnumma, dass de Vawaundschoft vo de Begriff ausn gemeinsamen Ursprung vom griachischn und hebräischn Alfabet in da phönizischn Schrift zruckgenga. A da Begriff Ziffa is damit vawaundt (Sefira - Ziffa, Sephira - Spärn).

Systematik[VE | Weakln]

De Naumen fia de zehn Sefirot san ausn Tanach, vua oim vom 1. Buch der Chronik. Des Strukturprinzip is de Obfoige vo de Ziffan vo 1 bis 10 (10 = Malchuth, 1 = Kether):

  1. Kether (Krone)
  2. Chochmah (Weisheit, Klugheit, Gschicklichkeit)
  3. Binah (Einsicht,Vastaund; Intelligenz)
  4. Chesed (Gnade, Gunst, Treie), aa ois Gedulah bezeichnet
  5. Gewurah (Stärkn, Mocht, Sieg, Grechtigkeit)
  6. Tiphereth (Procht, Vaherrlichung, Scheenheit)
  7. Nezach (Ewigkeit, Beständigkeit, Sieg; Ruhm, Bluad, Souft)
  8. Hod (Glanz, Majestät, Donna)
  9. Jesod (Gründung, Grund, Grundstaa, Grundloe)
  10. Malchuth (Kenigreich, Herrschoft, kenigliche Wiade, Regierung).

Im Netz[VE | Weakln]

 Commons: Sefirot – Sammlung vo Buidl, Videos und Audiodateien