Syphilis

Treponema palladium, de Bakterien de d Syphilis ausläsn

De Syphilis, aa Lues venera oda harter Schanker, is a sexuell üwatrågbare Krankheid. Ausgläst wead de Infektion duach des seid 1905 bekannde Bakterium Treponema palladium. De Syphilis zeichned se duach aus, daß jeweils ganz untaschiedliche Symptom auftren kenna und aa, je nåch Vafassung vom Infiziadn, ganz untaschiedle valaffa koo.

Üwatrågung

De Bakterien kennan beim Kontakt üwatrång wean wia beim Gschlechtsvakeah, wo s duach kloane Valetzungan (Mikroläsionen) vo de Schleimhäit oda da Haud in s Bluad kemman. A oostecka konn ma se bei direktn Bluadkontakt wia bei na Bluadtransfusiion oda wenn beim Drogngebrauch as säim Sprtizbschteck midnand heagnomma wead. A Infektion duach idirekte Weg wia gemeinsam heagnommane Handdiacha is ganz säitn weil se de Bakterianart aussahoib vom Käapa ned lang hoit.

Valauf

Ma untascheid im klinischn de åågborne Syphilis (aa Lues connata) oda de eigfangane Syphilis. De eigfangene Syphilis wead nacha nomoi untateild in d Friahsyphilis (Stadium I und II) und d Spatsyphilis (Stadium III und IV). Unbehandld valaaft d Syphilis in bestimmde Stadien ob:

Syphilis de ned behandlt wead valaft in ebban so:
Zeid de vaganga is, seid ma se oogsteckt hod	Klinische Syptom	Lewadiagnosn
1 bis 2 Wochan	seronegativPrimäaaffekt	FTA-ABS-Test
2. bis 3. Wocha	Friahsyphilis, öatlich schwäijn d Lymphknotn oo	TPHA-Test
ab da 6. Woch		VDRL-Test, RPR-Test
De 7. Woch	Eruptionsstadium
De 8. Woch	D Lymphknotn schwäijn oigemein oo
De 9 bis 12 Woch	Generalisation, de innan Organe san mid beteiligt
Nåch Wochan oda Monat	Rezidive Fraihlatenz (unta am Jåhr), spade Fraihsyphilis
Nåch Monat' bis zu mehrare Jåhr	friaje Spaadsyphilis Spaatlatenz (üwa am Jåhr noch m Oostecka)
bis Jåhrzehnt danåch	Neirosyphilis (Tabes dorsalis, progressive Paralysn)