Tet-Offansif

Aus Wikipedia
Wexln zua: Navigation, Suach
Tet-Offansif
Tei vo: Vietnamgriag
Tet Offansif – 29. Jenna bis 25. Febra 1968
Tet Offansif – 29. Jenna bis 25. Febra 1968
Datum 30. Jenna–25. Febra 1968
Ort Sidvietnam
Ausgang Sieg vo Sdvietnam und Alliiade
Brobagandaeafoig Nordvietnams
Foign Rickzug da Alliiadn vo Sidvietnam bis 1973
Konfliktparteien
Vietnam Nord 1955Nordvietnam Nordvietnam
Nationale Front für die Befreiung Südvietnams FNL (Viet Cong)
Vietnam SudSüdvietnam Südvietnam
USAUSA USA
Korea SudSüdkorea Südkorea
AustralienAustralien Australien
NeuseelandNeuseeland Neuseeland
Befejshoba
Vietnam Nord 1955Nordvietnam Vo Nguyen Giap USAUSA William C. Westmoreland
Truppmsteakn
~323.000–595.000[1] ~1.000.000[2]

De Tet-Offansif san merare milidäarische Obarationa vo da Noadvietnamäsischn Amää (NVA) und voum Vietcong gwen. Am 30.Jenna 1968, am Dog voam vietnamäsischn Neijoofesd, an Tết Nguyên Đán, homs vaschine Zui z Siadvietnam iwaraschnd ogriffa kod

da Ogriff[VE | Weakln]

Wia da Vietcong am 30. Jenna ogriffa hod, is des fiad Amerikana und d Siadvietnamäsn a Iwaraschung gwen. Fo de Sidvietnamäsn san an haffa ARVN Soidadn zwengan Tet-Fesdl im Ualaub gwen und d Amerikana hom Elitetruppm no Khe Sanh valegt kod, wei de Noadvietnamäsn duat kuaz zvoa a Offansif gmochd hom. Z Khe Sanh is a amerikanischa Stitzbunkt gwen und d amerikanische Milidäafiarung hod a zwoats Điện Biên Phủ gfiacht kod.

Ba da Tet-Offansif hod da Vietcong mid 80.000 Soidadn umara 100 Schdäin gleizeide ogriffa kod. De oide Kaisastod Huế homs ba da Schlacht um Huế aoban kinna und de duadige Zitadäin bsezt kod. Brobagandawiaksam hom Stoustruppm de US-amerikanische Botschofd diaggad im Zendrum vo Saigon ogriffa kobt. Weidare Ogriff in und um Saigon san gfoigt, afn Flugbloz und af d Haubdkwadiare voum amerikanischn Genaroi William Westmoreland und voum sidvietnamäsischn Milidäa. Da Vietcong is aisast brutoi geng de Untastiza vo da sidvietnamäsischn Regiarung fiaganga gwen, de Leid, aa ausländische Dogdan, Briasda und Kinda san teiweis vahunzt gwen und oi hod ma lewende eigrom kod.

Es hod owa ned lang dauad kod, bis d Amerikana zruck gschlong homd. Scho am naxdn Dog homs midara 5000 Mo de Noadvietnamäsn ogriffa und no finf Dog zruck gwoafa kod. Grod de Kämbf um Huế hom länga dauad kod, oan Monad lang is duad vabissn kämbfd woan, bis se no d NVA und da Vietcong zruck zong kod hom.

Auswiakunga[VE | Weakln]

Milidäarisch is de Tet-Offansif a Fiasko gwen. Da Vietcong is so schwar Valuste gwen, so das nom Genaroi Võ Nguyên, in de nexdn fia Joo koi gräßane Obarationa nima megle gwen san. Mindasdns 50.000 bis 100.000 Soidadn han gfoin gwen, wos mea wiad Häifd vo de Vietcong-Kämbfa gwen san.

Fiad Effadlekeit und af bolidischa Em, is de Tet-Offansif a narrischa Eafoig gwen. Mid Grausn hod da Amerikana im Feansä zuagschaud kod wia da Vietcong, droz da Bräsenz vo a bo hundatdausnd amerikanischa Soidadn, a sene grouß oglegde Obarazion duachgfiad hod. Benäbed homs den Kambf um d amerikanische Bodschafd gseng und den Rickzug vo amerikanischn Truppm. Da effadliche Kobfschuss voum sidvietnamäsischn Genaroi Nguyễn Ngọc Loan am Vietcong-Kämbfa Nguyễn Văn Lém, is ois Pressebuidl um d Wäid ganga gwen.[3]Zweng däm und zweng de Bericht iwas Massaka vo My Lai und iwa d amerikanische Griagsfiarung (groußflächiga Eisatz voum Entlaubungsmiddl Agent Orange, Napoim und de odauande Missachdung da Genfa Konwenziona) homd Amerikana ogfangt kod, an däm Griag z zweifen.

Beleg[VE | Weakln]

  1.  Clark Dougan, Stephen Weiss et al., Boston Publishing Company (Hrsg.): Nineteen Sixty-Eight. Boston 1983 (Englisch).
  2.  Hoang Ngoc Lung, General Research Corporation (Hrsg.): The General Offensives of 1968–1969. McLean VA 1978 (Englisch).
  3. Die Exekution wurde damit gerechtfertigt, dass der gefangene Vietcong-Kämpfer zuvor an der Ermordung von Familienangehörigen der südvietnamesischen Polizeikräfte beteiligt gewesen sei. Weblink

Literatur[VE | Weakln]

  • Don Oberdorfer: Tet. The Turning Point in the Vietnam War. The Johns Hopkins University Press: Baltimore/London 2001 (urspr. 1971), ISBN 0-8018-6703-7 (aus unmittelbarer Anschauung geschriebenes, weitgehend unparteiisches Standardwerk; mit aktualisiertem Vorwort des Autors).
  • Andreas Margara: Der Amerikanische Krieg: Erinnerungskultur in Vietnam. Regiospectra Verlag Berlin 2012, ISBN 978-3-940132-48-2

Im Netz[VE | Weakln]