Weiss Loch

A Wuamloch:
Grea - da kuaze Weg duachs Wuamloch
Rod - da lange Weg duachn Wejdraum

A Weiss Loch is des hypothetische Gegntei vo am Schwoazn Loch. Wearend a Schwoaz Loch Massn aufnimmt, stesst a Weiss Loch Massn aus. De Existenz vo Weissn Lechan is a mathematische Obleitung vo da Oigmoanan Relativitätstheorie und is ned bewiesn.

A weidare Theorie iwa Weisse Lecha is, dass a Weiss Loch quasi da Ausgang vo am Schwoazn Loch is. Des Weisse und des Schwoaze Loch waradn demnoch duach a Wuamloch miteinanda vabundn. Demnoch kennt ma theoretisch in a Schwoaz Loch fliagn und ba an Weissn Loch wieda aussakema, entweda in am ganz ondan Tei vom Universum oda sogoa in am ondan Universum.

De wichdigsde Gmoasamkeid mid am Schwoazm Loch is a Singularität, de in da Mitt vo so am Objekt is. Im Prinzip hoisd des, das irgnd a physikalische Greiß unendlich groß wead. Bei am Schwoazn Loch is de Greiß d´Gravitation oda a d´Dichtn, in am Weißn Loch is d'Antigravitation, de wo em ois obsteißd.

Schau aa

• Schwoaz Loch
• Wuamloch

Literatua

• Wheeler, J. Craig: Cosmic Catastrophes: Exploding Stars, Black Holes, and Mapping the Universe. Cambridge University Press. 2007. ISBN 978-0521857147.

Im Netz

• cornell.edu - Ask an astronomer: "What is a white hole?"
• Schwarzschild wormholes