Wondra und Zwickl
Wondra und Zwickl woan a Duo, wos aus Ferry Wondra (1905 - 1976) und Ludwig Zwickl (1906 - 1975)[1] bestaundn hod, de wos aa aso feste Hawara woan. Se woan 1928–1975 seah eafoigreich mid eahnan Gsangl und mid untahoitsauman Doppekonfaraunzn. Aufdredn sans im Weana Ronacher und aa im Simpl,[2] wos 12 Joah laung a fixa Bstaundtäu vom Programm gwesn san. Owaraa im Rundfunk und im Fernsehn hod mas oft segn kennan. Tourneen haums aa gmocht, duach Estareich und Deitschlaund, und se woan aa in de Niederlaunde und in da Schweiz. Es hod in dera Zeid auf jen Foi praktisch kaan "Bunten Abend" gem, bei dems ned dabei woan.
Eahna Programm, des wos „Wondralitäten & Zwickelein“ gnaunnt hom, güüt ois tipisch fian Weana Humor. Fimpf Joahzehnt hod si eahnan Publikum reglrecht zawuzlt iwa eahnare Schmäh, des zum Täu aa ausm Huat aussegschom haum.
- "Wie Böhmen noch bei Österreich war",
- "Kelten",
- "Vorstadtgeschichten",
- "Atilla",
- "Philosophie-Doppel-Conference", *"Oper",
- "Wondra und Zwickl stellen sich vor",
- "Antipoden",
- und letztlich "Wenn der Hund mit der Wurst über'n Eckstein springt".
Auf iagnwööche Kustüm haums prinzipiöö vazicht. Bei de Konfaraunzn woa da Wondra imma da Deppate, owa mit dem hod beim Publikum seine Meta gmocht. Da Gscheite woa ollawäu da Zwickl. De Roinvatäulung woa fia eahnare Freindschoft owa nie a Problem.
A Bsundaheit gegniwa aundan Kabareetistn woa, doss nie de Politik es Thema bei eahnare Sketsches woa.
„"Eine Doppelconférence ist ein Dialog zwischen einem G’scheiten und einem Blöden, worin der G’scheite dem Blöden etwas Gescheites möglichst gescheit zu erklären versucht, damit der Blöde möglichst blöde Antworten darauf zu geben imstande ist - mit dem Resultat, daß zum Schluss der Blöde zwar nicht gescheiter, aber dem Gescheiten die Sache zu blöd wird. Beide haben daher am Ende nichts zu lachen. Dafür desto mehr das Publikum... "“
– Karl Farkas
Auszeichnungan[Werkeln | Am Gwëntext werkeln]
- Des Goldenes Verdienstzeichen der Republik Österreich 1953
- Robert Stolz-Plakette
- Goldener Wiener
- Ehrenmitglied der Wr. Zitherfreunde „Josef Haustein“
Im Netz[Werkeln | Am Gwëntext werkeln]
- br-Shop (Seite nicht mehr abrufbar; Suche in Webarchiven)
Beleg, Ezzes[Werkeln | Am Gwëntext werkeln]
- ↑ Musiklexikon
- ↑ Des Etablissmau haaßt eignlich „Simplicissimus“. Es is 1912 in da Weana Innanstod äus „Bierkabinett“ aufgmocht wuan und hod in de 30a Joah soichane Kapazunda wia in Waldbrunn Ernstl, in Farkas Karl und in Grünbaum Fritz hervoabrocht. Aa heit isses no aans von de wichtigstn Kabaree-Bühnan in Wean.