Age of Empires
Aus Wikipedia
Age Of Empires is á Kobjudáschbüll vo Siemáneinzge. Brográmmiád is woán vo Microsoft.
Inhoitsvazeichnis |
[dro werkln] Brinzip
Dá Spüllá mou se in Åfang á Kulduá aussouchá, mid deárá wäiá spülln mächd. Do giz insgesamd zwülfe:
- Osdásiáddische: Chosonen, Shang, Yamato
- Mesoboddámische: Babyloniá, Persá, Hethitá
- Egibdische: Egibdá, Sumeárá, Assyriá
- Griechische: Griechn, Minoá, Feniziá
Normáláweis fangd s'Spüll in da Altschdeinzeid åå. Má hod a Händ voll Doáfbewohná und a Doafzendrum. Äiámol fang má áá schbedá åå odá mid meárá Heisln odá meárá Leid.
[dro werkln] Schpüllfolááf
[dro werkln] Rohstoffe
Es git fiá Rohstoffe: Holz, Essn, Stoiná und Gold. In Åfang braucht má sched á Holz und äbbs zun Essn. Dasmá des gräigd, mou má mid seine Doáfbewohná in Wold gej und Báámá umhaun bzw. má jogt Fäichá, de wäi umánandárännánd odá má zupft Biádln von Buschád owá odá má fangd se Fisch, wänn á Wossá do is. Schbedá kammá se áá an Bauánhof baun. Stoiná und á Gold gräigt má, wemmás mid'n Pickl obaud.
[dro werkln] Zeidaldá
Wemmá bestimmde Voraussezungán eáfülld, nchád kammá in s'naxde Zeidaldá kemmá. Do davo giz viare: Altsteinzeit, Jungsteinzeid, Bronzezeid, Eisnzeid.
[dro werkln] Heisln und Leid
Doáfbewohná kinnánd Heisln baun. Wos fiá Heisln dasmá baun kann, kimmd drááf åå, in wechán Zeidaldá dasmá is. In dene Heisln kammá nachád Leid mocha oda irgánd án Zeig erfoáschn und fobessán. Wos fiá Leid dasmá baun kann, hängd davo oo, wosmá fiá á Kultuá hod und in wos fiá án Zeidalddá dasmá is.
[dro werkln] Wäi má gwinngá kann
Do giz drei Meglichkeidn: Endweda, ma haud án andán zamm, das allse hi is, odá má Baud á Weltwundá und schaud, dass eám da andá 2000 Johr (in echd á fiádlde Stund) ned zammhaud, oda ma schaud, dasmá alle Artefakte (Holzkistn mid Rádln) iwánimmd un 2000 Johr hold. Wemmá á Kampagne mochd, nachad moumá hold des Züll vo deára Kampagne daroichá.
[dro werkln] Iwasichd iwa Heisln
De Heisln giz alle:
| Heisl | wosmá dou kann/wosmá fiá Leid mocha kann |
|---|---|
| Doáfzendrum | Doáfbewohná, in da Zeid fiáregej |
| Hiddn | Wohnarum fiá fiá einheidn |
| Káseán | Knipplschlägá, Axdkempfa; Kuázschweadkempfá, Breitschweádkempfa, Langschweádkempfa, Legioneá |
| Droidsilo | Mauán und Türme fobessán |
| Lagágroum | Fobessárungen fiá d'Leid eáfoáschn |
| Hafn | Fischerbood, Fischkutta; Handlsbood, Handlsschief; leichds und schwáára Transboádschief; Eákundungsschief, Kriegsschief, Kriegsgáleáre; Kádápuldtrireme, schwáárs Gräi-Schief |
| Bognschuisanlag | Leichdá Bognschitz; Fobessádá Bognschitz, Kombosidbongschitz; Beriddná Bongschitz, schwáárá beriddna Bongschitz; Wognschitz; Öllefandnschitz |
| Reidschdool | Schpäá; leichde Kávállarie, schwááre Kávállárie, schwáárá banzádá Reiddá; Streitwong; Gräi-Öllefand |
| Moágdblooz | Fobessárungán fiá d'Wiádschafd |
| Bauánhof | äbbs z'Essn obáun |
| Wänd | Foteidigung |
| Tuám (Beobachtungs~, Voteidigungs~, Abweá~, Gschitz~ | án andan zammhaun |
| Akademie | Hoplit, Phalanx, Zenduário |
| Waffnschmiedn | Stoináweáfá, Katapult, schwáárs Katapult; Ballistn Helepolis |
| Templ | Priesdá, Fobessárungen fián Priesdá |
| Roodhaus | Fobessárungán |
| Wöldwundá | bráuchd me evtl. zun Gwingá |
