Hoiz

Der Artikl is im Dialekt Niedaboarisch/Obaboarisch gschrim worn.

A Beispui: da Stamm von ara Lindn

Verschiadane Hoizoatn

Hoiz nennt ma a horts Gewebe, des wo bestimmte Pflanzn buidn. Hoiz is ana vo de äitastn Rohstoffe, de wo vo Menschn gnutzt woan san und ois nochwochsenda Rohstoff bis heint oans vo de wichtigstn Pflanznprodukte.

Entstehung vo Hoiz

Hoiz entstähd unta da Rindn im sognenndn Kambium.

In unsan Breitn gibts joahreszeitli bedingt, vaschiadane Wochstumsphasn vo de Bama, de wo aa fia de Entstehung vo de Johresringe sorgn.

• Ruhephase (Novemba bis Feba)
• Mobilisiarungsphasn (März, Aprui)
• Wochstumsphasn (Mai bis Juli): hejs Friahoiz
• Depositionsphasn (August bis Oktoba): dunkls Spadhoiz

Wirtschaftliche Bedeitung

Hoiz is ana vo de äitastn und wichtigstn Roh- und Werkstoffe vo da Menschheit. De jährliche Hoizproduktion iwasteigt de Produktion vo Stoi, Aluminium und Beton.

Andare Wort-Bedeitungen

Hoiz ko mar aa zo-n-aran ganzn Woid (oder an Woidstickl) song. Boi oiso epper sogt, er gähd ens Hoiz, no hoasst des nix anders ois wia "en'n Woid gäh". Wer a Hoiz vor da Hittn hod, hod entweder gnua Gejd; oda, wa ma vo an Weiberleid redt, na moant ma do damid, dass an groussn Busn hod.

Im Netz

 Commons: Hoiz – Oibum mit Buidl, Videos und Audiodateien

• Sammlung vo vaschiadane Hoizoatn mid Buidln
• Hoiz-Buidl ausm Buidarchiv vo da Universität Basel
• Verkieseltes Holz im Mineralienatlas