Augustus

Aus Wikipedia
Wexln zua: Navigation, Suach
Augustus

Augustus (is laddeinisch fia: da Eahabene) (*23. Septemba 63 voa unsana Zeid z'Rom und is z'† 19. August 14 n. Chr. in Nola bei Neapel). Ea wa da Adobtivbua vom Cäsa und da easchde Kaisa vo Rom.

Sei Leem[VE | Weakln]

Sei leiblichn Eldan woan da C. Octavius und d'Atia, a Nichdn vom Cäsa. Dea hodn dann a in seim Tesdamend adopdiad und eam oisse vaeabd.

Olladings hod si da Antonius a ois da Eab vom Cäsa gseng und de zwoa waan a fasd sauba zamgruggd. Da Senad woid nämle von eam gschüdzd wean, wei da Antonius in Gallien seine Drubbn zamzogn hod. Wias da Deifi wui, hamsa se aba gegan Senad veabundn und han midanand gega Rom maschiad, des wa dann 43 voa unsana Zeid. De zwoa wan de zwoa mächdigsd Menna, ham oba koa Goid ned ghabd und ham desweng no an Lepidus iwaredd, daasa beim Triumvirat midmachd (Vo dem hodma olladings danoch nimma fui ghead). De Möada vo seim Adobtivvodda hoda 42 bei Philippi gschlogn.

Es wead eam a da Dod vo da Kleopatra zugschrim, weila an Antonius noch lengam Kriag bei Actium gschlogn hod und auf sie go ned schaf wa. Sei Propaganda z'Rom hod de ägybdische Kenigin auf olle Fälle sauba zlegd, so dasma si ned a moi sicha is, obs dea beriamde Soibsdmoad wa.

Im Joa 27 voa unsana Zeid hod sei grouße Sdund gschlogn kobd, do hoda an Tidl Augustus griagd, is Tribun auf Leemszeid und Princeps woan. Bis zu seim Dod 14 noch Christus is da sbrichwöadliche remische Friedn, de "Pax Romana" gwen.

Tidl[VE | Weakln]

  • Augustus - Dea Eahabene
  • Divi Caesaris filius - Bua vom göddlichn Cäsa
  • Pontifex maximus - häxd Priesda
  • Pater patriae - Vodda vom Voddaland

 Commons: Augustus – Oibum mit Buidl, Videos und Audiodateien