Deifi

Aus Wikipedia
Wexln zua: Navigation, Suach
Da Deifi und a Tirola

Da Deifi (oda Duife, sidboarisch Teifl odar Tuifl) (vo griachisch Διάβολος, Diábolos, weatli „da Durcheinandaweafa“ im Sinn vo „Vawirra, Faktnvadraaha, Valeimda, Chaosstifta“; lateinisch diabolus) wead in vaschiednan Religiona ois Personifiziarung vom Bäsn ogseng. Manchmoi weard aa Sparifankerl oda Spirifankerl zu eam gsogt.

Im Kristndum is da so gnennte Antikrist, da Wiedasoacha vo unsam Heagod, dea wo noch seim Rausschmiß ausm Himmi grod san oagna Varein afgmochd hod und seiddem sei meglichts duad, um de guadmoanandn Obsichdn vom Schepfa grod entgegazwiaka. Zwecks dem hod a sie sein Varein de Höi, eigricht, wo a de vastoamnen Sinda vo da Eadn eikastlt und bis in olle Ewigkeit martan duad.

Obgsegn dovo mochts eam offabor a Heidngaudi, ob und zua af da Eadn afztaucha, um in olle meglichn Vakloadunga de Leid zum Ibaschreim vo eanare Söin zu valeitn, vom rechtn Weg abzumbringa oda zu schlechte Tatn zum ibaredn. Da Hea Dr. Faust is aus da klassischen Litaradua as bekanntaste Opfa, oba a de Sogn- und Mäachenwäid gibt do so oanigs hea, wens um de Umtriab vom Deifi geh duad. Trotzdem, dass a ollawei ois a Gegnpoi zum Heagod gseng wead: De Litaradua stöit an Deifi ned söitn aa ois a Weakzeig do, des wo da Heagod bloß nuza dad, um de edelstn Charaktaziag vo da Menschheid imma wiada z Dog z feadan.

De Noma vom Deifi[VE | Weakln]

Da Deifi hod an Hauffa Noma. Säibst im deitschen Sprochraum is de Listn vo dene fost scho unibaschauba. Geht ma dann no in andere Kuituakroas, weads eascht recht oag unibasichli. Bleim ma oiso bei de boarischn Noma vom Antikrist. Des aloa longt scho:

  • Antikrist
  • Belzebub
  • Hölderlin
  • Luzifer (So hod man deroanst ois Engl ghoassn)
  • Mephistopheles
  • Moasta Rotfeder
  • Samael
  • Satan
  • Sparifankerl

Schau aa[VE | Weakln]

Im Netz[VE | Weakln]

 Commons: Deifi – Sammlung vo Buidl, Videos und Audiodateien