Boarische Grammatik (Substantive)

Der Artikl do gheart zua Artiklsammlung iba'd Grammatik vo da Boarischn Sproch. A Ibasicht iba olle Artikl zum Thema findt ma in Boarische Grammatik.

Thema vo dem Artikl han de Substantive, eana Gschlecht und Deklination, de bschtimmtn und unbschtimmtn Artikl und de Vakleanarung.

Untaschiad im grammatischn Gschlecht

In da boarischn Sproch gibt's Werta, de zwar dessoibe bedeiten wia im Deitschen, awa a anders Gschlecht ham, zum Beispui:

Standarddeitsch	Boarisch
der Teller	s'Della (des Della)
die Zwiebel	da Zwiefe
die Wespe	da Weps
die Biene	da Imp(n)
das Radio	da Radio
die Limonade	as Limo(nad), des Limo, as Gràchal
die Butter	da Budda

Genitiv

Haptartikl: Boarische Grammatik (Genitif)

Ani vo de wichtigstn grammatikàlischn Bsondaheitn vom Boarischn is, dass' koan Genitiv gibt. De drei Fälle vom Boarischn san Nominativ (da Bua), Dàtiv (im/am Buam) und Akkusativ (in/an Bua). Stådn Genitiv nimmt ma de Präposizion vo her oda an Dàtiv zammat miam Possessivpronoma, wenn ma sång wui, dass ebs am Menschn khöat.

Standarddeitsch	So sågt ma s af Boarisch
die Geschichte Bayerns	d'Gschicht vo Bayern
des Bauern Scheune	an Bauan sei Stådl

und assadem aa no da Vokativ

Wia im Lateinischen aa gibt's im Boarischen an Vokativ, den braucht's, wenn'st oan oda mera ooredst:

Da Nominativ "Johann kommt." hoaßt im Boarischen "Da Hans kimmt." und fangt mit'm Adiggl voam Nama oo.

Im Vokativ "Johann, komm!" hoaßt dann blos no "Hans, kimm!", da stejt dann koa Adiggl mea voam Nama.

Nominativ, Dàtiv und Akkusativ

Boarische Weada muas ma, weis koan Genitiv hamd, aa a weng andas deklinian (de Umschreibungen firn Genitiv sand in da foigadn Taböin kursiv gschriem). Voa oim de Adiggl hàn rechd undaschiedlich zum Deidschn.

Numerus	Da Foi	Standarddeidsch	So sågd ma s auf Boarisch
Singular	Nominativ	der Mann	da Mâ
Singular	Genitiv	des Mannes	àm Mâ sei
Singular	Dativ	dem Mann	àm Mâ
Singular	Akkusativ	den Mann	àn Mâ
Plural	Nominativ	die Männer	d Mâna
Plural	Genitiv	der Männer	de Mâna éana
Plural	Dativ	den Männern	de Mâna
Plural	Akkusativ	die Männer	d Mâna

Numerus	Da Foi	Standarddeidsch	So sågd ma s auf Boarisch
Singular	Nominativ	die Zwiebel	da Zwiewe
Singular	Genitiv	der Zwiebel	vom Zwiewe
Singular	Dativ	der Zwiebel	àm Zwiewe
Singular	Akkusativ	die Zwiebel	àn Zwiewe
Plural	Nominativ	die Zwiebeln	d Zwiewen
Plural	Genitiv	der Zwiebeln	vo de Zwiewen
Plural	Dativ	den Zwiebeln	de Zwiewen
Plural	Akkusativ	die Zwiebeln	d Zwiewen

Numerus	Da Foi	Standarddeidsch	So sågd ma s auf Boarisch
Singular	Nominativ	die Brücke	d Brugg
Singular	Genitiv	der Brücke	vo da Brugga
Singular	Dativ	der Brücke	da Brugga
Singular	Akkusativ	die Brücke	d Brugg
Plural	Nominativ	die Brücken	d Bruggan
Plural	Genitiv	der Brücken	vo de Bruggan
Plural	Dativ	den Brücken	de Bruggan
Plural	Akkusativ	die Brücken	d Bruggan

Anmerkung: Des "gg" bei Brugg/Bruck is net stimmhoft und im WMB mehra wia "ck".
Bei da Singular Form "die Brücke" kon ma "de Bruck" oda "de Bruckn" sogn.

Numerus	Da Foi	Standarddeidsch	Boarisch (Esterreich)	Boarisch (Esterreich, sidlichs Òitbayern)	Boarisch (nerdlichs Òitbayern)
Singular	Nominativ	das Mädchen	ăs Mentsch	ăs Màdl, ăs Dirndl	ăs Moidl
Singular	Genitiv	des Mädchens	ăm Mentsch sei	ăm Màdl sei, ăm Dirndl sei	ăm Moidl sei
Singular	Dativ	dem Mädchen	ăm Mentsch	ăm Màdl, ăm Dirndl	ăm Moidl
Singular	Akkusativ	das Mädchen	ăs Mentsch	ăs Màdl, ăs Dirndl	ăs Moidl
Plural	Nominativ	die Mädchen	d Mentschă	d Màdln, d Dirndln	d Moilă
Plural	Genitiv	der Mädchen	dĕ Mentschă eănă	dĕ Màdln eănă, dĕ Dirndln eănă	dĕ Moilă eănă
Plural	Dativ	den Mädchen	dĕ Mentschă	dĕ Màdln, dĕ Dirndln	dĕ Moilă
Plural	Akkusativ	die Mädchen	d Mentschă	d Màdln, d Dirndln	d Moilă

De Artikl

Da bestimmte Artikl

Gschlecht, Ånzol	Foll	betont	unbetont	nouch Präpositiona
Maskulinum, Singular	Nominativ	deă	dă	--
Maskulinum, Singular	Dativ	dem/den, NB àà: deăm/deăn	ăm/ăn, NB àà: ĕm/ĕn	m/n
Maskulinum, Singular	Akkusativ	den, NB àà: deăn	ăn, NB àà: ĕn	n
Femininum, Singular	Nominativ	de, NB: dej	d/dĕ	--
Femininum, Singular	Dativ	deăra	dă	dă
Femininum, Singular	Akkusativ	de, NB: dej	d/dĕ	d/dĕ
Neutrum, Singular	Nominativ	dees	s/ăs, NB àà: ĕs	--
Neutrum, Singular	Dativ	dem/den, NB àà: deăm/deăn	ăm/ăn, NB àà: ĕm/ĕn	m/n
Neutrum, Singular	Akkusativ	dees	s/ăs, NB àà: ĕs	s
Plural	Nominativ	de, NB: dej	d/dĕ	--
Plural	Dativ	dene, NB àà: deăne	dĕ	dĕ
Plural	Akkusativ	de, NB: dej	d/dĕ	d/dĕ

Da unbetonte, bestimmte Artikl d wird ban Ren gern ån'n Konsonantn von Haptwort, wos folgt, åglicha. Tolwais hans sugor nemmer zon hejern. De druntere Tabölln zoigt olle Forma, dej wou entstej kinna:

d Form wou entstejt	vor wölchan Laut	Baispül
d, t	Vokal, h, l, n, r, s, sch, w	d Isar, t Hena, d Lust, d Nocht, d Roum, d Suppm, d Schissl, d Wurscht
d, t > vaschmülzt	d, t, z	d Dorschn > Dorschn, t Taxi > Taxi, d Zånga > Zånga
b, p	f, m, v	b Flåschn, b Maus, b Vegl
b, p > vaschmülzt	b, p	b Benk > Benk, p Pfånna > Pfånna
g, k > vaschmülzt	g, k, qu, x	g Goschn > Goschn, k Kåtz > Kåtz, k Quölln > Quölln, k Xanthippm > Xanthippm

Da unbestimmte Artikl

Gschlecht	Foll	Kurzform	Långform (bsunders nouch Präpositiona)
Maskulinum	Nominativ	ă	ă
Maskulinum	Dativ	ăm/ăn	ărăm/ărăn
Maskulinum	Akkusativ	ăn	ărăn
Femininum	Nominativ	ă	ă
Femininum	Dativ	ă	ără/ănă
Femininum	Akkusativ	ă	ără/ănă
Neutrum	Nominativ	ă	ă
Neutrum	Dativ	ăm/ăn	ărăm/ărăn
Neutrum	Akkusativ	ă	ărăn

Ba de Artikl in Dativ kånn es m aa zo ran n ogschliffa wern, egål obs ejtz a unbestimmter, a bestimmter oder a bestimmter åhengter Artikl is. Vor Lippmlautt blaibts ban Ren trotzdean a m, wal'sa'se åglaicht. De haintinga Dialekte holtn'se ower immer stirker åns Standarddaitsche und unterschain es Dativ-m und es Akkusativ-n aa wej durn.

Verkleinerung

De Verkleinerungsform im Boarischn is "l", "al" oda "ei" (NB: Oazåi: -l, -ăl; Mehrzåi: -lă, -ălă). Des ersetzt des standarddeitsche "chen" oda "lein". Ebmfois werd des bei Verkleinerunga entstehade "ä" ois hells "à", "äu" ois "ei" und "ü" ois "i" ausgsprocha. Insgsamt ko ma song, dass im Boarischn de Verkleinerungsform recht oft hergnumma werd, àà wann des Objekt im Hochdeitschn no ois "normalgroß" geitn dààd. Beispuisweis sogt ma zu ara normalgroßn Bierflaschn meistns "ă Flàschl Bier".

Standarddeitsch	So sågt ma s af Boarisch
Glas > Gläschen	Glås, Glòs > Glàs(à)l oda Glàsei
Flasche > Fläschchen	Flåschn > Flàschl, Flàschăl oda Flàschei
Josef > ?	Sepp > Seppăl oda Seppei
Wagen > Wäglein	Wång > Wààgăl oda Wààgei
Haus > Häuschen oder Häuslein	Haus oda Heisl (Pl.: Heisa) > Heisăl oda Heisei
Bursche > Bürschlein	Bursch > Birschăl oda Birschei

Åbkirzunga

• MB = middlboarisch

• WMB = westmiddlboarisch
• OMB = ostmiddlboarisch

• SB = südboarisch
• NB = noadboarisch

Schau aa unta

• Boarischs Sprochnportal