Charles Darwin
Charles Robert Darwin (* 12. Feba 1809 z Shrewsbury; † 19. Aprui 1882 z Downe)[1] wor a britischa Naturforscha. Da Darwin is fir sei Theorie vo da Evolution berihmt worn. Sei Buach On the Origin of Species (1859) hod zwoa Sochan bewirkt. Erschtns, hods vui Indizien aufzoagt, dass de Evolution wirkli gebm hod. Zwoatns, hods dokumentiat, wia de Evolution funktioniat. De wichtigste Hypothesn is de natirliche Auslese.[2] Des Prinzip is da Schlissl zum Vaständnis vo da Biologie und vo da Diversifiziarung vom Lebm auf da Erd.
Inhoitsvazeichnis |
[drå werkln] De Roas auf da HMS Beagle
Da Darwin hod fimf Joor on Bord vo da HMS Beagle, am Entdecka-Schiff vo da Royal Navy (Kinigliche Marine). Ea wor do da Gost-Naturforscha. Des hod bedeidt, dass a firs Sammen und Vamerkn vo Viechan, Pflanzn und geologischn Fundn zuaständi wor.
De Moschoft vom Schiff wor vor oim damit bschäftigt, Kortn ozlegn, wos fia de britische Marine domois wichtig wor. Zu dera Zeit hod Großbritannien de mit Obstand greßte Marine vo da Wäid ghobt und es hod zu dera Zeit no an Hauffa Gegendn gebm, wo no koane gscheidn Kortn vorhondn worn.
Da Darwin hod a riesige Sammlung vo Fossilien, Pflanzn und ondan Fundsochan oglegt und auf England brocht. Er hod u.a. beobocht, dass auf dena Andn in Sidamerika Fossilien vo Meereslebewesn gibt und hod gmerkt, dass auf de Galapagos Ortn vo Viechan gibt, de wo si vom Festland in gwissn Eignschoftn untascheidn. So is a zan Schluss keman, das ois in Bewegung is: De Erdn vaändat si ständig und de Viecha- und Pflanznwäid vaändat si ununtabrocha.
Wia da Charles auf England zruckkeman is, hod a u.a. des Buach de Voyage of the Beagle vafosst. Des is oans vo de ganz großn naturhistorischn Reisedogebiacha.[3]
[drå werkln] Beleg
- ↑ bbc.co.uk
- ↑ Darwin, Charles (annotated by James T. Costa). 2009. The annotated Origin: a facsimile of the first edition of On the Origin of Species. Harvard, Cambridge, Mass.
- ↑ Browne, Janet 1995. Charles Darwin: vol. 1 Voyaging. Cape, London. ISBN 1-84413-314-1
[drå werkln] Biacha
- Janet Browne: Charles Darwin. The Power of Place. 2 Bände, Knopf, New York 2002.
- Eve-Marie Engels (Hrsg.): Charles Darwin und seine Wirkung, Suhrkamp, Frankfurt/M. 2009, ISBN 978-3-518-29503-8.
- Johannes Hemleben: Charles Darwin: Mit Selbstzeugnissen und Bilddokumenten. 14. Auflage. Rowohlt Taschenbuch Verlag, Reinbek 2004, ISBN 978-3-499-50137-1.
- Eve-Marie Engels: Charles Darwin. C.H. Beck, Minga 2007, ISBN 978-3-406-54763-8
- Franz Wuketits: Darwin und der Darwinismus. C.H. Beck, Minga 2005, ISBN 3-406-50881-2
[drå werkln] Im Netz
- Literatur vo und iwa Charles Darwin im Katalog vo da Deitschn Nationalbibliothek
- Autoreintrog und Listn vo de beschriebman Pflanzanom fir Charles Darwin
- The Complete Work of Charles Darwin Online
- Internetzquäin zu Charles Darwin und zua Evolutionsbiologie
| Commons: Charles Darwin – Buidl, Videos und/oda Audiodatein |
