ESCP Europe

Aus Wikipedia
Wexln zua: Navigation, Suach

De ESCP Europe is 1819 gründt worn und is wäidweid de äitaste Wirtschoftshouchschui. [1] [2] [3] Des is a private, staatli oakannte wissenschoftliche Business School und hod Standoate in Paris, London, Berlin, Madrid und Turin. De Houchschui fiat transnationale Masta-Programme, Promotions- und MBA-Programme und Seminare zua Weidabuildung vo Managan duach.

De ESCP Europe hod de „Driple Crown“ dahoitn, d. h. sie is vo oin drei wichtign internationaln Akkreditierungsagenturn – AACSB, AMBA und EFMD (EQUIS) oakannt und hod jährli 4000 Studentn sowia 5000 Führungskräft aus iba 90 Nationa. As Oiumni-Netzwerk hod 40.000 Mitglieda in 150 Ländan aus 200 Nationa.

Gschicht[VE | Weakln]

De ESCP Europe is 1819 ois erschte Business School vo da Wäid vo oana Gruppn vo Wirtschoftswissenschoftlan und Unternehman gründt worn, darunta da Ökonom Jean-Baptiste Say und da berihmte Kaufmon Vital Roux. Jean-Baptiste Say wor a grousa Fiasprecha vom ökonomischn Liberalismus, außadem steht sei Nama oft in Vabindung mit da Schoffung vom Grundkonzept vom Untarnehmadum ausm Johr 1800. Vital Roux is bsondas bekannt fia sein Beitrog bei da Ausarbatung vom Code de commerce im Johr 1807 und woar mit sein Ideen zua Pädogogik seina Zeit weid voraus. De Gründung vo da ESCP Europe is somit gleizeiti de Erfindung vom Konzept vo da Business School.

De internationale Ausrichtung vo da ESCP Europe wor vo Ofang o zun segn. Da Johrgang vom Johr 1824 hod scho 30 % internationale Studentn aus 15 verschiedane Nationa, unta eana 7 Spania, 5 Brasiliana, 5 Hollända, 4 Deitsche und 2 Amerikana. Sprochuntarricht wor a wichtiga Tei vom erschtn Lehrplan, wo nebn franzesischa Grammadik, aa Kurse in Englisch, Deitsch und Spanisch voagseng ghobt hod. Ob 1825 san insgsamt 10 Sprochn an da ESCP Europe untarichtet worn und de Studentn hom mindastens drei vo dena lerna miassn.

150 Joa spada woar de ESCP Europe erneit Voareida duach in Aufbau vo ana Multi-Campus-Business School mit Standoatn in ganz Eiropa. Um im Ruaf nach Eiropa foign, san 1973 Standoate in Deitschland und England aufgmocht worn, 1988 in Spanien und 2004 in Italien.

2011 is de ESCP Europe Gründungspartna vom HESAM worn, am Clusta vo bekanntn Foaschungseirichtunga und Houchschuin vo de Geists- und Sozialwissenschoftn wia de Ecole Nationale d’Administration (ENA), as Conservatoire National des Arts et Métiers oda de Sorbonne.

Literadua[VE | Weakln]

  • Renouard, Histoire de l'École supérieure de commerce de Paris, Raymond Castell éditions, 1999
  • Servan Schreiber Sabine (1994) Les Epices de la République, ESCP – Itinéraire d’une Grande Ecole, 1819–1994, CpL.

Beleg[VE | Weakln]

  1. "Focus On - Generation Europe Foundation - Wirtschaftshouchschuln und Karrieremöglichkeitn". http://www.generation-europe.eu/assets/resources/youth_centre/career_development_and_employment/career_guidance/FocusOn2012-09Business-SchoolDE.pdf. 
  2. A. Renouard, Histoire de l'École supérieure de commerce de Paris, Raymond Castell éditions, 1999
  3. Kaplan, Andreas M. (2014) European Management and European Business Schools: Insights from the History of Business Schools, European Management Journal - http://dx.doi.org/10.1016/j.emj.2014.03.006