London
| Wappen | London | |
|---|---|---|
 |
 |
|
| Basisdatn | ||
| Landesteil: | England | |
| Koordinaten: | Koordinaten: 51° 30′ N, 0° 8′ W 51° 30′ N, 0° 8′ W | |
| Hechn: | 15 m ü. NN | |
| Flächn: | 1.579 km² (Stod) 16.043 km² (Metropolregion) |
|
| Einwohner: | 7.554.236 (Stadt)[1] 12.629.020 (Metropolregion)[2] (Stand 1. Januar 2007) |
|
| Bevölkerungsdichtn: | 4.784 Eiwohna/km² (Stadt) 787 Eiwohna/km² (Metropolregion) |
|
| Vorwoi: | 020 | |
| Stådtgliederung: | City of London u. 32 boroughs |
|
| Websitn: | www.london.gov.uk | |
| Politik | ||
| Burgamoasta | Boris Johnson (Conservative) | |
|
||
London is de Hauptstod vo England und vom Vaeinigtn Kenigreich. De Stod liegt an da Themse in Sidostengland. In da Metropoin lem 7.554.236 Menschn (2007)[1], davo in ebba 2,7 Millionen in de 13 Stodbeziake vo Inner London. De Agglomeration hod 12.629.020 Eiwohna (2007)[2].
London is oans vo de wichtigstn Kuitua-, Finanz- und Handlszentren vo da Wäid. In da Stod san vui Universitätn, Hochschuin, Theata und Museen. S Stodgebiet vo Greater London, dees in Inner- und Outer London untateit is, gliedat si in de City of London und no insgsamt 32 Stodbeziake („London boroughs“), drunta aa de City of Westminster. London is aa da Sitz vo da Internationalen Seeschifffoats-Organisation (IMO).
Inhoitsvazeichnis |
[drå werkln] Eadkunde
London eastreckt si eppa 45 Kilometer entlang vo da schiffborn Themse und liegt durchschnittlich 15 Meta iwan Mearesspiegl. London entstand aus ana Siedlung am Nordufa, da heitign City of London. De London Bridge wor bis 1739 de oanzige Bruckn iwan Fluss.
Aus dem Grund befindd si da gresste Tei vo da Stod neadlich vom Fluss. Mitm Bau vo weidan Bruckn im 18. Jh. und am Bau vo Eisnbohna im 19. Jh. hod si de Stod in olle Richtunga ausdehnt. De Landschoft is floch bis wellig, wos a unghindats Wochstum beginstigt hod.
De Themse wor in fraran Zeitn wesentlich broada und seichta wia heit. Da Fluss wead fost iwaroi duach Dämme begrenzt und de moastn Zuafliss san untairdisch valegt. De Gezeitn vo da Nordsee san z London no deitlich z spian, de Stod is deshoib duach Iwaschwemmunga und Sturmflutn gfeadet. Um de Gfoa eizdämma is ba Woolwich in de 1970a Joar da Thames Barrier baut worn.
De geografischn Koordinatn vom Stodzentrum (eppa ban Trafalgar Square) san 51° 30′ neadlicha Broadn und 0° 8′ westlicha Läng. Duach s kenigliche Observatorium, s Royal Greenwich Observatory z Greenwich, is da Nullmeridian glegt worn. Ea is da Ausgangspunkt vo de geographischn Längengrad und damit vo de Zeitzonan.
[drå werkln] Geologie
Sidostengland mit da Hauptstod London is fiara Besiedlung geologisch gegniwa ondan Landestein beginstigt. De geologische Struktur is duach mesozonische Sedimente bestimmt, de wo a weitlaifige Schichtstufnlandschoft entsteh lossa. De Beag san ned hoch, so dass de gsamte Gegend vo de klimatischn Vortei vom Sidostn gspiat.profitiat. Da Niedaschlog is gringa, de Summa wärma wia in ondan Landestein und de Sediment gem an fruchtborn Bodn.
[drå werkln] Stodgliedarung
London gliedat si in 32 Stodbeziake (London Boroughs) und de City of London.
 |
[drå werkln] Gschicht
Woascheinli im Joar 47 n. Chr. ham de Rema d'Stod Londinium gründt. Noch da Eroberung vo England vo de Angeln und Sachsen is Londinium bis zum End vom 5. Joarhundert zu Ruinen zamgfoin. Um 878 is des Gebiet innahoib de remischen Stodtmauern wiada bsiedelt worn, de Stod hot zerchst no Lundenburgh ghoaßn. 1066 mit da Eroberung vo England vo de Normannen hot London Winchester ois Hauptstodt obglest. London is iaba die Joarhundert imma weita gwochsn. 1851 woar London laut da Voikszählung mit 2.651.939 Oanwohna de greßte Stod in Eiropa und as Zentrum vo da industrialisiatn Wäid. Des heitige Vawoitungsgebiet mit de Stodbzirke is am 1. April 1965 mit da Gründung von Greater London entstondn.
[drå werkln] Refarenzn
- ↑ 1,0 1,1 World Gazetteer: Bevölkerungszahlen der Stadt
- ↑ 2,0 2,1 World Gazetteer: Bevölkerungszahlen der Metropolregion
[drå werkln] Litaratua
- Chris Ellmers and Alex Werner: Dockland life: a pictorial history of London's docks 1860–2000, Museum of London., NA (1. Aufl. 1991) Edinburgh [u.a.]: Mainstream 2000, 221 S., ISBN 1-84018-318-7
- Doreen Evenden: The midwives of seventeenth-century London, Cambridge [u.a.]: Cambridge University Press 2000, 260 S., ISBN 0-521-66107-2
- Edward Impey and Geoffrey Parnell: The Tower of London. The official illustrated history, London: Merrell 2000, 128 S., ISBN 1-85894-106-7
- Ralf Nestmeyer: London. Ein Reisehandbuch. Michael-Müller-Verlag, Erlangen 2006, ISBN 3-89953-253-8
- London suburbs, Einführung von Andrew Saint, London: Merrell Holberton [u.a.] 1999, 240 S., ISBN 1-85894-077-X
- Dale H.Porter: The Thames embankment: environment, technology, and society in Victorian London, Ohio: University of Ohio, Akon Press 1998. – XVI, 318 S., ISBN 1-884836-28-3
- Malcolm Thick, The Neat House gardens: early market gardening around London, Totnes, Devon: Prospect Books 1998, 175 S., ISBN 0-907325-78-5
[drå werkln] Im Netz
| Wiktionary: London – Bedeitungserklärunga, Wortherkunft, Synonyme und Ibasetzunga |
| Commons: London – Buidl, Videos und/oda Audiodatein |
| Wikiquote: London – Zitate |
 |
Wikinews: London – Nochrichtn |
- Offizielle Seitn vo da Stådt London (englisch)
- Welcome to London – Interaktiva Online-Reisefiahra
