Fotznhobe
Da Fotznhobe oda da Fotzhobl oda de Fotzorgl (Sidtiroul) is a Musiinschtrument, des mit'm Mai blåsn wead. Dr Nåm setzt sich zom aus Fotz(n) (Gfries, Mai, Lätschn, Schnautzn, Mund ) und Hobe (Hobel) wega da Hi- und Herbewegung de ma damit vorm Mai macht oder Orgl. Auf Daitsch hoaßt di Fotzorgl Mundharmonika.
De Technik dahinta [dro werkln]
Da Fotznhobe is a handlichs Inschtrument in dem de Tön' in kloane Kanäle an na Mettoizung entschtenga. Ma blost oda saugt und kriagt jeweis an andan Ton. Je noch dem wia ma an Mund spitzt ko ma an Meahklang oda sogor an oanzelna Ton spuin.
Eisatzgebiet [dro werkln]
Da Fotznhowe wead in da Voiksmusi hauptsächle do eigsetzt wo ma koane schwara Inschtrument midnemma koo oda mog, oiso sowo wia beim Wandan. Ganz bsondas meng dean den Fotznhobe de amerikanischen Bluesmusika, ma ko na aba aa im weidan Sinn zu de tipisch boarischn Musikinschtrumente dazuazain.
Aa wea zu da Mundorgl oda zu da Voiksmusi koan Bezug had, kennd gwiß den viellaecht bekanntesten Einsatz vom Fozhowe: Im Fuim „Spiel mir das Lied vom Tod“ besorgt des Instrument mit da Melodie „Keep your lovin’ brother happy“ de Spannung bis zum Schluss und spuit direkt de Hauptrolln.
