Gödmünzn

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
Lydische Elektron-Trite = 1/3 Stater, 4,71 Gramm, ausn frian 6 Joahundat v.Chr.

Gödmünzn [dt.: Geldmünzen] gibts scho vo eppa ausn spadn 7 Joahundat v.Chr. in Lydien. A Münzn aus Elektron. des woa a natiali fuakemade Legiarung aus Süwa, Goid und aa a wengl Kupfa. Des is daun mid de Stater vo de Egypta, de Griechn und de Köitn weidagaunga. De Achämenidn (Peasa) hom den Dareikos und de Rema den Aureus und den Solidus prägt. Im Guptareich - Indien homs a Goidmünzn ghobt. Uma 220 v.Chr hod in Kina eana easchta Kaisa Qin Shi Huangdi runde Kupfamünzn eigfiad. De hom in da Middn a Loch ghobt das mas af Schnia afadln hod kena, des woan daun de Käschschnia.

Münzn in da Antike[VE | Weakln]

De Griechn in Ionien hom de Idee vo da lydischn Elektronmünzn iwanumma und hom umma 550 v.K. af da Insl Ägina den Süwa-Stator prägt. Ob 500 v.K. haum a de Griechn in Süditalien , Neapolis (Neapl) und Sizilien eanan Stator prägt und bis umma 400 v.K. hod a se in de olle griechischn Städ, vo Massilia im Westn bis af de Krim duachgsezt.

Bei de Etruska hod ma den kupfanan Aes ghobt. Des woa zeascht nua a schwaara Klumpn dea gwogn wuan is und de hod ma eana Gwichtl eigschtömpöd. Und so homs in Weat vom Kupfa ghobt. Spada hod ma growe Münzn gossn. Den haum daun de Italika iwanumma und so a de Latina und dahea spada a de Rema. Spada sans daun af Brozemünzn umgschtign.

Bezoachnung da Bronzemünzn nochn Crawford (1974)
Münzn Weatzoachn Ödasts Exemplar Datum
(v. Chr.)
Weat
(in As (Eiheit)|Assen)
Weat
(in Uncia (Eiheit)|Unciae)
Decussis X Cr. 41/1 215–212 10  120
Quincussis V Cr. 41/2 215–212 60
Tressis III Cr. 41/3 215–212 3 36
Dupondius II Cr. 41/4 215–212 2 24
As (Eiheit)|As I Cr. 14/1 280–276 1 12
Dextans S**** Cr. 97/23 211–208 5/6 10
Dodrans S*** Cr. 266/2 126 3/4 9
Bes (Münzn) S** Cr. 266/3 126 2/3 8
Semis S Cr. 14/2 280–276 1/2 6
Quincunx ***** Cr. 97/11 211–208 5/12 5
Triens **** Cr. 14/3 280–276 1/3 4
Quadrans *** Cr. 14/4 280–276 1/4 3
Sextans (Münzn) ** Cr. 14/5 280–276 1/6 2
Uncia (Eiheit) * Cr. 14/6 280–276 1/12 1
Semuncia Σ Cr. 14/7 280–276 1/24 1/2
Quartuncia   Cr. 38/8 217–215 1/48 1/4

De Rema hom zwoa scho 326 v.Kr. des griechische Neapolis Neapl eifaloabt ghobt, haum owa söwa eascht umma 289 v.Kr. eigane Münzmasta eigschtöd.

Goidmünzn hom de Rema ob 216 v.Kr. prägt. Des woan nu Stater und Hoibstater. Speda sans daun af gnuamte Gwichta vo 20/40/60 Goid Assn umgschtign.

Untan Caesar und a nochand haums de Münzn ghobt:

  • 1 Aureus Goid = 25 Denare Süwa
  • 1 Denar = 4 Sesterze Messing
  • 1 Sesterz = 2 Dupondien Bronze, späda Messing
  • 1 Dupondius = 2 Asse Kupfa
  • 1 As = 2 Semis Kupfa/Bronze
  • 1 Semis = 2 Quadranten Kupfa

Und zöt hods aso:

1 Aureus = 25 Denarius = 100 Sesterz = 200 Dupondius = 400 Asse = 800 Semis = 1600 Quadrans

Münzn bei de Köitn[VE | Weakln]

Do siagt ma schee za wöcha Zeit de Köitn de vaschidanen Metoi zan Prägn vawendt hom

Vua 300 v.Kr. hom de Köitn nu metollans Nutzgöd vawent. Owa duachn Haundl mid Massilia hom de gallischn Stämm de griechischn Münzn kenagleand. Und ummas Joa 300 v.Kr. haums daun söwa Münzn prägt.

De Köitn haum glei mid de Goidmünzn agfaungt und san eascht spada a af aundare Münzmetoi iwagaunga . De Goidmünzn homs nua bis za Höftn vom leztn Joahundat v.Kr. prägt. Weu daun hod Eana goid nimma eana gheat. Wei da Caesar hod seine Massa Schuidn obaun miassn und zweng dem hod ea en Gallischn Kriag augfaungt (in de Joa 58-50 v.Kr.).

Bkaunt san eanane guidan Regnbogn-Schissaln, de woan bis in de heidige Slovakei eini im Gebrauch.

Bsundane Gödmünzn obn Middloita[VE | Weakln]

Obm 5/6 Joahundat hods de Brakteatn und obm 13 Joahundat hods a den Süwa- Groschn gem. De easchtn Tola (Dt. Taler) san umma 1486 prägt wuan. Und da Naum vom Tola is nu heid gbreichli, den ea lebt in de Dollar weida. In Florenz hod ma ob 1252 den Floren, lat. Florenus, ital. Fiorino d'oro, franz. Florin prägt. Dea is aa im Nuad Eiropas untan Nam Guidn (Dt. Gulden) bkaunt. Im HRR deitscha Nation hods a den Rechnungsguidn und daun den Guidntola (Reichsguldina) gem. In Bayern und Östareich hod ma umma 1750 de Konvenzionstola eigfiad aus den in Östarreich da Maria-Theresien Tola wuan is. De Araba hom eanane Denare prägt.

De heidign Goidmünzn vo de Stootn[VE | Weakln]

Goidmünzn wean heid moast nua mea ois Saummlaschtickl, oda zwengs da Vamegnsosicharung prägt. Es san des da Wiener Philharmoniker, da American Gold Eagle, da Krugerrand, da Maple Leaf, da goid Panda und nu Aundare. Süwamünzn wean nu efta vawent. Sunst hom se de Gaidmünzn, in olle meglign Legiarungsfuaman nua mea ois Wexlgöd (Kloagaid)- Scheidemünzn im Gbrauch ghoitn.

Im Netz[VE | Weakln]

 Commons: Münzn – Sammlung vo Buidl, Videos und Audiodateien