Godsmack

Der Artikl is im Dialekt Såizkãmmaguadlarisch gschrim worn.

Godsmack

Allgemeine Informationen
Richtung	Hard Rock, Nu Metal, Post Grunge
Gründung	1995
Website	http://www.godsmack.com
Gründungsmitglieder
Gesãng	Sully Erna
Gitarr	Lee Richards
Bassgitarr	Robby Merrill
Schlågzeig	Tommy Stewart
Aktuelle Besetzung
Gesãng	Sully Erna (seid 1995)
Gitarr	Tony Rombola (seid 1995)
Bass	Robby Merrill (seid 1995)
Schlågzeig	Shannon Larkin (seid 2002)
Ehemalige Mitglieder
Gitarr	Lee Richards (1995)
Schlågzeig	Tommy Stewart (1995, 1997-2002)
Schlågzeig	Joe Darko (1996-1997)

Godsmack is a Altanativ Metal Band aus Boston/Massachusetts. Eana Nãm is vo an Liadl vo Alice in Chains isbiriad woan. Godsmack spün an Mix aus an hoatn Rock und an Heavy Metal mid hoate Riffs.

De Band håd alloa in de USA 12 Millionen Oibm vakauft, wödweid sans sogar 18 Millionen. Godsmack wårn mid zwoa Numma-Oans Oibm in de Billboard 200 Charts vatretn (Faceless und IV). Se ham 17 Top Ten Mainstream Rock Singls ghobt und eana Debutoibum hod se üwa 5 Millionen moi seid da Eascheinung vakauft, aussadem sans a 4 moi fia d'Grammy Awards nominiad worn. Godsmack ghead heid zu de eiflussreichsdn und eafoigreichsdn Rockbands.

Gschicht

De Band is 1995 vom ehemålign „Strip Mind“- und „Meliah Rage“-Schlågzeiga Sully Erna (Gesãng), an Gitarristn Lee Richards an Robby Merrill (Bass) und an ehemåligen „Lillian Axe“-Schlågzeiga Tommy Stewart gründt woan.

Da Richards is kuaz drauf duachn Tony Rombola easetzt woan und da Stewart hod sei Position am Schlågzeig fiand Joe Darko rama miassn. S'Debüt-Album "All Wound Up" is a Jåhr späda ois Eignpressung aussakema. Da Erna hod de Drums fia des Album eigspüd. De Radiostation WAAF hod in Song "Keep Away" in d'Rotation aufgnumma und de Band hod draufhi 1000 Stück vom Oibum pro Wocha vakaufd. A aundara Song "Whatever" is a ind' Rotation vom Senda aufgnumma woan. Kuaz drauf hod da ehemålige Schlågzeiga vo Extreme de Band fia sei Managementfirma PGE unta Vatrog gnumma. Späda is da Tommy Stewart wieda ois Schlågzeiga zuda Band zruckkema. Godsmack ham an Plåttnvatrog bei Plattenvertrag bei Republic Records untaschriem, de des söbsteigspüde Album neta nei åbgmischd und untam Titl "Godsmack" neivaöffntlichd ham.

De Band hod an Plåtz beim Ozzfest erreichd und is ois Support mid Black Sabbath auf Tour gãnga, des hod de Oibumvakäufe nu amoi ind'Hechn triem. Bis heid hod se des Album alloa in de USA 5 Millionen moi vakauft, des hoast 5x Platin. (Stãnd 2005).

Da Larkin Shannon

Im Juni 2000 is des zweite Oibum Awake easchienen, wos aufn fünftn Plåtz vo de US Oibumcharts eigstiegn is. Godsmack san daun mid de Deftones auf Tournee gãnga und ham Konzerte mid Limp Bizkit gspüd. "Awake" hod se bis heid 2,5 Millionen moi vakauft. Im Somma 2002 hod da Tommy Stewart de Band eaneit valossn, dafia is owa da Shannon Larkin (ex-Amen, Ugly Kid Joe und Wrathchild America) kema.

Des dritte Oibum "Faceless" is 2003 kema und hod se oa Wocha nochn Eascheinungsdatum glei 270.000 moi vakauft, wos de easte Numma oans fia Godsmack woa. Da Titl "I Stand Alone" is im Soundtrack vom Füm The Scorpion King und aufm Konsoinspü Prince of Persia: Warrior Within easchienen. Des Spü hod a nu de zweite Single "Straight Out Of Line" dabeighåbt, de wos a zu an Soundtrack fia Extreme Rage woan is.

S'4te Voioibum midn Titl "IV" is in de USA Mitte Aprü 2006 vaöffndlicht worn, und is auf Plåtz oans vo de Billboard 200 eigstiegn, in Deitschlãnd is des Oibum am 19. Mai in de Lädn easchienen. De Godsmack Single "Bring It On" is im EA-Sports-Videospü "Madden NFL 2006" ois Soundtrack dabei. A aundara Soundtrack is "The Enemy" vom Wrestlingspü "Smackdown vs. RAW 2007". Aussadem hams Soundtracks zum Spü "Prince Of Persia: The Warrior Within" und zum Füm "The Scorpion King" beitrågn.

2003 hams des Liad "Sick of Life" vo a Band Trancecore Evil Activities covat. Des Liad is ois Trancecore Remix midn Nãm "Sick of my Life" vaöffntlicht woan.

Diskografie

Oibm

Godsmack

USA: 22

Awake

USA: 5 | A: 26 | D: 59

Faceless

USA: 1 | D: 70

The Other Side

USA: 5 | CDN: 30

IV

USA: 1

Studiooibm

• 1995: The Scam (Demo)
• 1997: All Wound Up (Eignpressung)
• 1998: Godsmack (Neiauflåg vo All Wound Up)
• 2000: Awake
• 2003: Faceless
• 2004: The Other Side
• 2006: IV
• 2007: Good Times, Bad Times-Ten Years (Compilation)

Singles & EPs

• 1997: Whatever
• 1998: Keep Away
• 1999: Voodoo
• 2000: Bad Religion
• 2000: Awake
• 2001: Greed
• 2001: Bad Magick
• 2002: I Stand Alone
• 2003: Straight Out Of Line
• 2003: Serenity
• 2003: Re-Align
• 2004: The Other Side (EP mit Akkustiksongs)
• 2004: Touché
• 2004: Running Blind
• 2006: Bring It On
• 2006: Speak
• 2006: Shine Down
• 2006: The Enemy
• 2007: Good Times, Bad Times... Ten years of Godsmack

Videos & DVDs

• 2002: Smack This (DVD)
• 2003: Godsmack Live (DVD)
• 2004: Changes (DVD)

Im Netz

• Offizielle Webseitn (englisch)
• Offizielle deitsche Webseitn
• Godsmack bei laut.de