Hüpotenusn

Der Artikl is im Dialekt Owaöstareichisch gschrim worn.

A rechtwünkligs Dreieck und dem sei Hüpotenusn

D'Hüpotenusn (hochdeitsch: Hypotenuse) hoaßt ma d'längste Seitn in am rechtwünkling Dreieck. Se liegt imma im rechtn Wünki gengüba. De zwoa Seitn, de dãn nu üwa han und de wås in rechtn Wünki damit eischliaßn, nennt ma Kathetn.

In wås fia am Vahöitnis d'Hüpotenusn zu de Kathetn steht, des is im Såtz vum Pythagoras festglegt, den ma desweng aa (åba eigntli vahöitnismäßig söitn) Hypotenusnsåtz nenna tuad.

In da Mittn vu da Hüpotenusn liegt s'Zentrum vum Thales-Kroas, im Umkroas vum rechtwünkling Dreieck. A wichtige Roin spüid d'Hypotenusn außadem in da Leah vum Sinus und Kosinus.

Da Nãm vu da Hüpotenusn kimmt aus'm Åid-Griechischn: hypoteinousa (ὑποτείνουσα) setzt si aus hypo- ("unta") und teinein ("strecka") zsãmm.