Hakodate

A Blick auf Hakodate

Hakodate (jap. 函館市, -shi) is mid 287.697 Êiwohna (31. Mär. 2008) de drittgrèßte Stådt vo da nöadlichn Hauptinsl Hokkaido in Japan und da Vawoitungssitz von da Unterpräfektur Oshima. Hakodate håd a Fléchn vò 677,82 km².

Hakodate is duachn Seikan-Tunnel mid da Stådt Aomori auf Honshū, da japanischn Hauptinsl vabundn.

In da Nahd vo Hakodate is de Stromrichterstation vo da HGÜ Hokkaido-Honshu.

Gschicht

Hakodate wår oana vo fünf Häfn, de fia ausländische Håndlsschiff am End vo da Edo-Periode (1603-1867) aufgmåcht worn san.

Hakodate wår vo Dezemba 1868 bis Juni 1869 d'Hauptstådt vo da kurzlebign Republik Ezo, wos de oanzige Republik auf japanischn Bodn wår. In da Bucht vo Hakodate hod am 4.-10. Mai 1869 d'Seeschlåcht vo Hakodate ståttgfundn.

Des kaust da auschaun

• Goryōkaku (五稜郭), de Reste vom erstn modernen japanischn Fort, friara wårs da Regierungssitz vo da Republik Ezo und heid iss a Park mid an Aussichtsturm und an Museum.
• Kap Tachimachi (立待岬)
• Berg Hakodate (函館山)

Städtepatnaschåftn

• Canada Halifax, seid 1982
• Russia Wladiwostok, seid 1992
• Russia Juschno-Sachalinsk, seid 1997

Vakea

• Flughåfn Hakodate
• Zug:
  • JR Hokkaido
  • JR Esashi-Linie
• Stråßn:
  • Hakodate-Esashi-Autobahn
  • Nationalstråßn 5, 227, 228, 278, 279, 280, 338

Im Netz

•  Commons: Hakodate – Sammlung vo Buidl, Videos und Audiodateien