Japan

Der Artikl is im Dialekt Obaboarisch gschrim worn.

Japan

Nihon-koku/Nippon-koku


(Details)	(Details)

Åmtssproch

Japanisch

Hauptstod

Tokio

Stootsform

Parlamentarische Monarchie

Stootsowahaupt

keines (de jure)
Tennō Akihito (de facto)

Regiarungsschef

Ministerpräsident Yoshihiko Noda

Flächn

377.835⁽¹⁾ km²

Eiwohnazoi

127.417.244 (Juli 2005)

Beväikarungsdichtn

337 Eiwohna pro km²

BIP

$4.799 Mrd. (2.) (Schätzung 2005)

BIP/Eiwohna

$37.566 (16.)

Währung

Yen

Nazionalhymne

Kimi Ga Yo

Zeidzone

UTC+9 (JST)

Kfz-Kennzeichn

J

Internet-TLD

. jp

Telefonvurwoi

+81

⁽¹⁾ ohne die umstrittenen Kurilen

Japan (jap. 日本, Nihon/Nippon; anhören^?/i) is nach Indonesien, Madagaskar und Papua-Neuguinea da viatgresste Inslstaat vo da Wäid. Er liagt im Pazifischer Ozean in Nachboaschads vo Russland, Nord- und Südkorea, sowia vo da Volksrepublik bzw. da Republik China. De Einwohna hoaßnd Japana, monchmoi sogt ma in Bayern owa a "Japsn", wos owa ois obweatend gsegn wiad.

Da Nam Japan setzt si aus de Zeichn 日 (Aussproch ni, in da Bedeitung „Tog“ oda „Sunn“) und 本 (Aussproch hon, in da Bedeitung „Ursprung“ oder „Wuazl“) zamms. Japan is deshoib aa bekannt ois „Land vo da aufgehandn Sunn“. Sowoi da friare mythologische Nam Cipangu ois aa Japan leitn si woascheinli vo da chinesischn Aussproch vo de Schriftzeichn (chin. 日本國, rìbĕnguó) ab.

Eadkund [dro werkln]

Japan ia a Inselkettn, de si entlang vo da Ostküstn vo Asien hinziagt. De Hauptinseln san Hokkaido im Nordn, de zentrale und gresste Insel Honshū, sowia Shikoku und Kyūshū im Südn. Dazu kemman 6.848 kloanare Inseln, de si vor oim in da Seto-Inlandsee und ois Ryūkyū-Inseln konzentrian.

Iwan gsamten Archipel valafft a Gebirgskettn, de ungefäah 73 % vo da Landmassn vo Japan ausmocht. Da hechste Berg vo Japan is da Fujisan auf da Hauptinsel Honshū mit 3.776 m iwan Meeresspiegel. Hauptsächli in dena Hauptballungsgebietn, wia Kantō (mit Tokio und Yokohama) oda Kansai (Ōsaka, Kyoto und Kōbe) findn sich grössare Ebenen. Auf Grund vom Mangel an Flachland wern Berghäng duach Terrassnfäidbau kultiviat.

Wirtschoft [dro werkln]

Wirtschoftlich is Japan oans von de wichtigstn Länder wos gibt. Nur de EU und d'USA hama gressars Brutto-Inlands-produkt. In da Noachkriagszeit hot Japan gscheid wirtschoftlich aafghoit. Jäahlich hot Japan a Zuawochsrotn vo 10% und mehr ghobt, und des über Joazehnte. Monche sogn dees is wia ra Wunder gwen, andre moana dees wor, wei de Amis dena ghoifa hom. Oba eigntli hot Japan scho seid da Meiji-Zeit a recht erfoigreiche wirtschoftliche Entwicklung higlegt. Daher woar da Kriag nua so a Untabrechung vom oagntlichen Wirtschoftwachstum, hot oba net soan groasn Effekt ghobt wia vui denka.

In de 1990er Joahrn isses zura Banknkriasn kumma. Des wird a ois "Bubble-crisis" bezeichnet. Des hoasst, in den 1980er Joahn wor vui Geld do, deshoib hom de Bankn jedm an Kredit gem der aan gwoit hot. Ois Sicherheit fiad Bankn hom de Lait de an Kredit woitn, oiwai ihr Land und Gut oogebm. Doher sanna de Bodenpraise ins unermeßliche gschtiegn. Oiso konntn Lait ah no mehr Kredite kriagn, woi earna Grundstück jo no mea wert gworn is. Oba eigntlich hättn vui von dena Lait wo an Kredit kriagt hom eigntli bessa koan kriagt. Vui vo dena Lait san nocha nämlich pleite ganga. Und woi'd Bankn oifach jedm an Kredit gem hom und net richtig drauf gschaut hom, wems an gem, san a wiakli vui Pleite gonga. Ois Sicherheit hom Bankn zwoa no de Grundstück ghobt. Woi oba jetza die ganzn Bankn earna Grundstück verkafa woidn, und somit mea Grundstück do woarn ois wo Lait kafa woitn, hams de Praise von de Grundstück senka miassa. Oiso komma sogn dos de Spekulationsblosn (bubble) plotzt is. De Bankn hom iatzt an Haffa Kredite ghobt de wo eahna koana zruckzoit hot woi vui vo dena Lait bleite ganga sind. Gleichzeitig sind a de Bodenpraise in Kella gfoin, und so konnt s dia Kredite nemma mit Grundstücksverkaf ausgleicha. Irgendwann hom deshoib a vui Bankn zuamacha miassa oder umstrukturiern miassa. Zum Beispui homsa a Zeit long goa neamand no an Kredit gema woin. Des woar dann a wiada schlecht für d' Wirtschoft vo Japan woi du brauchst joa an Kredit um wos auf'd Beine zu stöin. Insgsamt woar die Bubble-crisis wirklich net guat fiad japanische Wirtschoft. Do im Westn hom vui Lait scho docht dos Japan an Berg oba gheit. Oba ma muass a seng, dos während de 10 Joahn woa dia Krisn do wor, Japans Wirtschoft insgsamt durschnittlich um 1,5 % gwochsn is. Monche sogn oiso, des wora goa koa richtige Krisn, oba es hot scho an imensn Einfluss auf de Wirtschoft ghobt.

Wirtschoftskennzoin [dro werkln]

So hom si de wichtign Wirtschoftskennzoin Bruttoinlandsprodukt, Inflation, Haushoitssaldo und Außnhandl in de letztn Joa entwicklt:

Vaänderung voms Bruttoinlandsprodukt (BIP), real in % gegniwa am Voajoa^[1]
	1998	1999	2000	2001	2002	2003	2004	2005	2006	2007
Veränderung in % gg. Vj.	−1,8	−0,2	2,9	0,4	0,1	1,8	2,3	2,6	~ 2,7	~ 2,1

~ = gschätzt

Entwicklung des BIP (nominal)^[1]
	2003	2004	2005
BIP in Mrd. US$	4237	4587	4567
BIP je Einw. (in US$)	33178	35914	35756

Inflationsrate und Haushaltssaldo^[1]
	2003	2004	2005	2006
Inflationsratn in % gegniwa am Voajoa	−0,3	0,0	−0,3	~ 0,2
Haushoitssaldo in % des BIP („minus“ = Defizit im Staatshaushoit)	−7,7	−6,5	−6,5	~ −6

~ = gschätzt

Haupthandelspartner (2005)^[1]
Ausfuhr (in %) nach		Einfuhr (in %) von
USA	22,5	VR China	21,0
VR China	13,5	USA	12,4
Korea (Rep.)	7,8	Saudi-Arabien	5,6
Taiwan	7,3	Vereinigte Arabische Emirate	4,9
Hongkong	6,0	Australien	4,8
Thailand	3,8	Korea (Rep.)	4,7
Deitschland	3,1	Indonesien	4,0
sunstige Lända	36,0	sunstige Lända	42,6
olle EU Lända zamma	14,7	olle EU Lända zamma	11,4

Hauptprodukte vom Außenhandl (2005)^[1]
Ausfuhrgüta (Anteil in %)		Einfuhrgüta (Anteil in %)
Kroftfoahrzeig und Kfz-Teil	19,4	mineralische Brennstoffe	25,6
Maschinen	16,4	sunstige Rohstoffe	6,0
chemische Erziugnisse	8,9	Noahrungs- und Genussmittl	9,8

Entwicklung vom Außenhandl in Mrd. US$ und sein Vaänderung gegniwa am Vorjoah in %^[1]
	2003		2004		2005		2006
	Mrd. US$	% gg. Vj.	Mrd. US$	% gg. Vj.	Mrd. US$	% gg. Vj.	Mrd. US$ (1.Hj.)	% gg.Vj.
Einfuhr	382	13,3	455	19,2	519	14,1	280	12,2
Ausfuhr	470	13,0	565	20,3	598	5,9	309	6,1
Saldo	88,4		110,3		79,6		29,5