Honda Accord

Da Accord is a Mittlklassnauto vo Honda, des seit 1976 heagstööt wiad. Accord hoaßt de Kraxn desweng, wäu da japanische Heastölla Honda „des Vahöötnis vo Mensch, Gsööschoft und Auto in a hoamonische Iwaeinstimmtung bringan“ wuitat. Fia Japan woa des Auto gscheida ausgstott, dass duatn den Obaklassn-Moakt daschlossn hod.

Im Lauf vo da Zeid is da Accord unta de Naum Honda Vigor, Honda Ascot, Honda Rafaga und Honda Torneo easchienan. Bis eischliaßlich da viatn Genaratiaun woa's so, dass in Eiropa, Japan und Noadamerika des söwe Foahzeig ois Accord vakaft wuan is. Nocha is des trennt wuan. Seit da siembtn Genaratiaun wiad aa in Japan de kloanare eiropäische Veasiaun vakaft, in Noadamerika wiad a gressas Foahzeig aunbotn, des is da Honda Inspire. Da Acura TSX woa nochm eiropäischn Accord baut.

Waunst da olle unta dem Naum Accord aubotanan Modöö auschaust, san seit 1976 uma 17,5 Mülliaunan Autos vakaft wuan. Des is da siembte Plotz in da Raunglistn vo de aum haifigstn vakaftn Autos.

Im Summa 2015 is Produktiaun fia'n eiropäischn Moakt eigstööt wuan, auf aundan Märktn is seit 2013 die 9. Generation aufm Moakt.

Generationan

• 
  1. Generation
  (1976–1981)
• 
  2. Generation
  (1981–1985)
• 
  3. Generation
  (1985–1989)
• 
  4. Generation
  (1989–1993)
• 
  5. Generation
  (1993–1998)
• 
  6. Generation
  (1998–2002)
• 
  7. Generation
  (2002–2008)
• 
  8. Generation
  (2008–2015)
• 
  9. Generation
  (2013–2018)
• 
  10. Generation
  (2013–2018)

Im Netz

 Commons: Honda Accord – Sammlung vo Buidl, Videos und Audiodateien

• Honda Deutschland: Accord Limousine (Memento vom 9. Juli 2008 im Internet Archive)
• Honda Deutschland: Accord Tourer (Memento vom 1. Juli 2008 im Internet Archive)