IP-Adress
Aus Wikipedia
 |
In dem Artikl oda Abschnitt fehln wichtige Inhoite.
Huif da Wikipedia, indem dassd de fehlndn Gschichtn recherchierst und einbaust! |
IP-Adressn braucht ma in IP-basiade Kompjutanetzweak, um de Datn vom Absenda zum Empfänga z bringa. A Beispui dafia is as Intanet. Fast a so wia'r a Postadress auf am Briaf, griang de Datnbackl a IP-Adress vom Kompi, de an Empfenga oadeitde aussefindn lassn. Mid dera Adress kennzeichned, kennan de Router entschein, wo's des Datnbackl hie schicka soin. De IP-Adress is awa im Gengsatz zua na Bostanschrift ned an an bestimmdn Oat bundn, woas hoasst, da Kompjuta mid dera Adress kon aa sein Standoat wechsln, ohne de Adress zum wechsln. Drum is da Vagleich vielleicht bessa gwäiht mid na "Händinumma".
A IP-Adress ko an oanzln Empfänga moana, manchmoi awa aa a ganze Gruppn vo Empfänga. Des hoasst ma nacha Multi- oda Broadcast. Andasrum kennan oam Kompjuta aa mehrane IP-Adressn zuagordnet wean, wann dea in mehra Netzweak drin is. In an hauffa Netzweak (z.B. DHCP) griang de Kompjuta eana IP-Adress nua "g'liecha", des hoasst, se hom wann sa se s näxte moi im Netz oomäidn jeweils a Adress zuateild füa de oane Sitzung, des koo beim naxtn moi a ganz a andane sei.
De Adressn, de ma haid am bestn kennd, han de IPv4-Adressn. De Adress setzt se zsamm aus jeweils via Zoihn zwischn 0 und 255 und zwischn na jedn Zoih is a Punkd. A so a IP-Adress schaugt nacha so aus: 127.0.0.1 [1]
De IPv4-Adressn hom oan Nachteil: Dea Zoiihnraum glangt ned füa de weidane Entwicklung vom Intanet. drum homs nacha de IPv6 eigfüaht. Rein technisch gseng is nacha a IPv4-Adress a 32-stäijige und a IPv6-Adress a 128stäijige Binäazoih.
[dro werkln] Grundlång
Wann zwoa technische Geräd midnanda kommunizian woijn, nacha muaß a Jeds in da Låg sei, am andan Geräd Datn z'sendn. Damid de Datn be da richtign Gengstäij ookemma, muaß ma's oateite benenna oda adressian. In IP-Netz macht ma des mid na IP-Adress.
So sprichd da Webbrausa an Websäava (Webserver) direkt üwa sei IP-Adress oo. Da Brausa frågt dazua füa an Domainnam. z.B. "www.example.com". de IP-Adress bei am Namseava (Nameserver) åb, und sprichd nacha den Webseava direkt unta seina IP-Adress "208.77.188.166" oo.
[dro werkln] Innennetzsachan und oanzalne Refarenzn
- ↑ De Adress, so wias dostehd, is de, de a Kompjuta heanimmd, wanna koa spezielle kriagt hod. Bei Linux-Betriebssystem is des aa de "localhost"-IP-Adress
