Igl

Aus Wikipedia
Wexln zua: Navigation, Suach
A Igl

Da Igl keat za de Spoviecha und es gibt uma 25 Artn wödweid fa eam. In Eiropa gibts drei Artn: en Braunbrustigl, en Weißbrustigl und en Wanderigl. A Igl hot 6000 bis 8000 Stachln am ganzn Köaba vateild. Er hot 36 bis 40 schoafe Zend, wiad ungefea 30 Zentimeta lang und wiad oanadhoib Kilo schwa. Da grouße Rattnigl ka sogoa bis zwoa Kilo schwa wean.

Nahrung[VE | Weakln]

Da Igl is a Fleischfressa, der wo se vo Schneckn, Wiaman, Raubn und an so an Zeig ernährd. Wos erstaunlich vian Igl is, dass er söbsd a Kreizotta fressn ko. D'Igln segd ma meisdns aufd Nochd, wei do san mehr Schneckn do.

Es gibd a sogenonnte "Iglstation", wo a boa Leid de Iglbabys afzoingd. De loana weand na mid Kotznmile gfuadad und de gressan Igl kinnan scha söwa dringa und fressn zum Beispiel Rüaoa mid Kotznfuada.

Verteidigung[VE | Weakln]

Bei Gefoa roid er se zam, do kinnand na dann seine Feinde, wia da Fuchs, a Iltis oda a Dachs, nimma gscheid ogreifa. Wos dann gfehrlich wiad, is a Raubvogl oda d'Audos. Er kann se zwar zamroina, owa des hejft erm dann a nix mea.