Johnny Cash

Aus Wikipedia
Wexln zua: Navigation, Suach
Johnny Cash

Johnny Cash (deitsch: Bargeld Hanse) is oáná vo de eáfolgreichsdn Country-Musiker, de wäis jemals gem hod. Geboán isá ám 26. Feba 1932 als J. R. Cash in Kingsland, Arkansas, gschtoám ám 12. Sebdembá 2003 in Nashville, Tennessee.

Biográfie[VE | Weakln]

Eá war vo 1954 - 1958 in da Air Force; undá anderem isa do in Landsberg am Lech schdázioniád gwen. Do hoda seine eásdn Liadln gschriem und sei eásde Gidár káffd. Wäiá na wiedá dáhoám gwen is, hoda im Sun-Studio, do wou zu deárá Zeid áá de unbekanndn Musiker Elvis Presley, Carl Perkins, Roy Orbison, Jerry Lee Lewis ect. gwen sán, á Pláttn ááfgnummá. Eá is nachád aláwál bekanndá woán und hod guáde Verkaufszahln ghod. Alládings hodá á Drogn gnummá. Deárástweng hod se áá sei eáds Frau vo eám scheidn loun. 1968 hoda ná d'Carter June gheirad, de wäi sölwá á bekannde Country-Musikerin war. 1968 und 1969 hoda seine eáfolgreichsdn Albn ááfgnumma, oáns live ausm Folsom Prison und s'ånáne im San Quentin-Gfängnis. Vom zwoadn kimmd áá sei eáfolgreichsde Single, A Boy Named Sue. Vo 1969 - 71 hoda sogoá sei eigáne Fernsehsendung ghod. Schej langsam is nachánd á weng schdáádá woán um eám, bisa nachánd in de Achzgá Johr komplett in da Vosenkung voschwundn is. 1994 hodá owá a Kambäck ghod, midn eásdn Dáál vo seiná American Recordings-Serie, des wäi nachánd ingesamd stuckárá fimf CDs woán sán. 1997 is bei eám nachand a Neávnleidn gfunná woán, an däm wäiá nachand 2003 gschdoám is.

Musikstil[VE | Weakln]

Da Cash Johnny hod in Åfang no koán Schlagzeigá ghod, blos án Gidárisdn (án Perkins Luther) und án Bassisdn (án Grant Marshall). Eá sölwá hod gsunga und Gidár gschbülld. Wáál eám owa des Greisch vo da Snare-Drum áso gfolln hod, hoda a Babiá hinda d'Soidn zwiggd, des hodse nachánd so ähnlich ogheád. Des, und de bsondane Technik vom Perkins Luther, hod dazou gfiaád, dasa braggdisch sein eigenen Musikstil ghod hod, der wäi Boom-chicka-Boom ghoissn hod. Schbeda hoda nachánd no án Schlagzeigá gräigt, án Holland W. S., nachánd is aus dá Begleidbänd Tennessee Two de nuie Band woán, Tennessee Three

Man in Black[VE | Weakln]

Wááláse awl schwoáz åglegd hod, isá Man in Black ghoissn woán. Do dámid wolldá zoing, dass einfach vüll z'vüll Leid git, dene wäis ned so guád gäid. Eá hod áá á Liádl gschriem, des wäi "Man in Black" hoisd, wou eá des allse eágleád.

Fülm[VE | Weakln]

2005 is a Fülm dráád woán iwá eám mid dem Titl "Walk The Line". Da Phoenix Joaquin hod n'Cash Johnny gschbülld und d'Witherspoon Reese hod d'Carter June gschbülld. Fiá de Rolln hods ná sogoá án Oskar gwungá.

Bekannde Liádln[VE | Weakln]

  • I Walk The Line
  • Get Rhythm
  • Cry! Cry! Cry!
  • Folsom Prison Blues
  • Ring of Fire
  • Big River
  • A Boy Named Sue
  • Daddy Sang Bass
  • Man In Black
  • Jackson (á Duet mid seiná Frau)
  • Hurt (vo de American Recordings)