K Desktop Environment

Aus Wikipedia
K Desktop Environment
Logo

De aktuelle KDE Version
Basisdatn
Entwickla: As KDE-Team
Betriebssystem: Unix-ähnlich (u. a. BSD, Linux, Mac OS X), Windows
Programmiersproch C++
Kategorie: Desktop-Environment
Lizenz GPL, LGPL und mera[1]
Deitsch: jo
Netzseitn: kde.org

Des K Desktop Environment (KDE; auf Deitsch K-Arbeitsumgebung; fria: Kool Desktop Environment) is a frei vafügbore Awatsumgebung, des hoaßt a grafische Obaflächn mid vui Zuasatzprogramme füa den oitäglichen Gebrauch. Des is vorrangig füan Kompiuta dacht, auf dene a Unix-ähnlichs Betriebssystem, wia z. B. BSD, Linux oda Solaris, laft. De Version 3 ko mid Cygwin a unta Windows und mid Fink a unta Mac OS X betrim wean. Seid da Version 4 ko KDE-Software prinzipiell a nativ unta Windows und Mac OS X gnutzt wean,[2] de Entwickler plana a lauffähige Version vo KDE füa Windows und füa Mac OS X mid KDE 4.1.[3]

Hintagrund[Werkeln | Am Gwëntext werkeln]

KDE is a Obaflächn füa Unix-System, mim Zui voiwertig, konsistent und oafach zu sei. Domid is mid de Obaflächn vo Windows, Mac OS X und da GNOME-Awatsumgebung vagleichboar, de ähnliche Zui ham, aber a bissl andane Prioritäten. Zsam mid am frei vafügboarn Unix-Derivat wia Linux hod ma a komplett freie und offane Rechnaplattform, wo jedm inklusive Quellcodes zuagängli is und vaändert und obasst wean deaf.

KDE guit ois a recht flexible Obaflächn wo da EndNutza vui vaschiedene Eistejungsmeglichkeitn nutzn ko. Domid ko ma KDE vo da Optik (mid sogenannte Themes) bis zum Vahoidn auf de persenlicha Bedürfnis obassn. Manchmoi werd aba kritisiert, dass duach de vuin Funktionen a Unibasichtlichkeit resultiern ko.

Versionen und Vaöffentlichunga[Werkeln | Am Gwëntext werkeln]

Neie Versionen vo da KDE-Suite wean imma entweda ois Hauptvaeffentlichung (Major-Release), Endarung da erschdn oda zwoadn Stej in da Versionsnumma, oda ois Nemvaeffentlichung (Minor-Release), Endarung da dritten Zoi, ausgwiesn.

Da Untaschied zwischn dene is meistens, dass bei Nemvaeffentlichunga Fela behom wean, währends bei Hauptvaeffentlichunga umfangreiche Neiarungen gibt.

Literatua[Werkeln | Am Gwëntext werkeln]

  • Thomas Diehl: KDE 3. Praxisführer zur graphischen Nutzaumgebung für Linux/Unix. SUSE 2002 ISBN 3-934678-78-5 (Umfongreiche Bschreibung vo KDE 3 und seine Owendungsprogramm)
  • Stephan Lamprecht: KDE 3 für Einsteiger. Hanser 2005 ISBN 3-446-40022-2 (Bschreibung vo KDE 3 distributionsübagreifnd und basiernd auf KDE 3.3 und KDE 3.4)

Im Netz[Werkeln | Am Gwëntext werkeln]

 Commons: KDE – Oibum mit Buidl, Videos und Audiodateien

Quellen[Werkeln | Am Gwëntext werkeln]

  1. Licensing information for KDE packages
  2. KDE Projekt-Wiki: KDE füa Windows, abgrüafa 25. Feba 2008, englisch
  3. KDE Projekt-Wiki: KDE4/4.1 Release Goals auf techbase.kde.org, abgrüafa 25. Feba 2008, englisch