Kantor
 |
Der Artikl do is auf da Qualitätssicherung eidrong worn. Huif mit, den Artikl zum vabessan, und red mid! Wos no bessa gmacht gheart: |
| Der Artikl is im Dialekt Obaboarisch gschrim worn. |
A Kantor is oana, dea wo in da katholischn Kirchn an Vorsänga mocht. Bei de Evangelischn is des a Beruf. Dortn ko da Kantor de Sänga, des Orchesta, an Kindachor, an Posaunachor oda an Goschplchor dirigiern manchmoi a Bänd leitn und Orgl spuin. In da Synagoge stoid da Kantor mit seim Singa a Vabindung her zwischen am Herrgott und de Gläubign.
Wei i mi bei de Evangelischen besser auskenn, gibt's über des no was zum nochschaung:
Inhoitsvazeichnis |
[drå werkln] Wias d a Kantor wern konst (Berufausbildung)
Wennst a evangelischa Kantor wern wuist, nachad muast di erst amoi entscheidn, ob des neba deim Beruf macha mechst oda ob des zu deim hauptsächlicha Erwerb macha wuist. Nebehea macha hoast, dass Du beim Kantor der dia zuatoalt is, an Untarricht nimmscht und nach a boor Johr a kloane Priafung ablegschd. Mit dera konscht auf a klona Kantorenstoi mit a boor Wochastund arbatn. Mechst mit dem Beruf dei Lebn bschreidn, nachad muast auf ona vo de Hochschuin für d Musik studiern. Des dauat so zwischn vier und sechs Johr. Danoch schreibst a Diplomarbat. Bei de Katholischen gibts des a im Hauptberuf, aba da hoaßt des net Kantor, sondern Chorregent und Organischd.
[drå werkln] Bewerbn auf a Stöi
De Stoin wern in Fachblätter ausgschribn. So a Bewerbung is wos größers bei de hautpberuflichn Stoin. Da muaßt auf jeden Foi Orgl vorspuin, an Chor leitn und a Gspräch führn. Des kon scho moi zwoa Doog dauern, weil ja a no a boar andere Leit do san.
[drå werkln] da Arbatsoidoog
Meischdns kost da Dei Arbat soiba eidoaln. Aba Du bischd oft am Omd und am Wochenend furt. Feiertog gibt's a ned, weil de meistn christliche san. Du muast ned bloß die Chöre dirigiern, sondern a de Chorstundn vor- und nachberoatn, a Planung für's ganze Johr macha, Öffentlichkeitsarbat durchfihrn, auf Chorfreizeitn geh und vui mit de öffentlichen Persona redn und Sponsorn suachn. Orgl spuin muaßt hoid a an olle Gottesdienschd und dort a die Chör und die Bänds dirigiern. Konzert muaßt veranstoitn und neie Gruppn ofanga. Vo da Popmusik bis zur Klassik soids in da Log sei die Laien ozleitn. Wenns d a Bezirkskantor bischd, nachad muaßt de Leit ausbuidn, di wo Kantoren im Nebenberuf wern mechtn.
[drå werkln] s Göid
Des kimmt auf d Landeskirch oda aufs Bistum o. Die zoin ganz untschiedlich. Im TVÖD konnst da zwischa EG 8 und EG 14 vadiena, je nachem wo s bischd oda wos für a Aufgab du host.
[drå werkln] d Berufsaussichtn für de Kantoren
Des häng davo ob, wieavui Göid d Kirch in Zukunft no hod. Und des hängt ned bloß davo ab, ob d Leit in da Kirch bleim oda austretn, sondern a vo da Steuerpolitik und de wirtschftlichn Umständ. Grod heit wern scho einige Söin gstricha und an haufa Stoin gibts heit bloß no für weniga ois 100 Prozent. In Zukunft, so hoaßts, werds aba a weniga guade Musika gehm ois Stöin. Aba des hoaßt no ned, dass die guadn a no a volle Stöi griang. Meischnds muaßt di nachad umschaung nach a Nebnbschäftigung ois Musiklehra oda freia Musika. Da Beruf wird mit da Zeit imma anschpruchsvoller. In alle Spartn muaßt di auskenna, vo Gregorianik über Bach bis zum Gospel und Jazz und imma öfta is de Öffentlichkeitsarbat wichtig und des auftreibn vo Sponsoren.
