Kassian (Heiliger)

Aus Wikipedia
Wexln zua: Navigation, Suach

Sei Lébm[VE | Weakln]

Martyrium van Hl. Kassian

Dr Kassian isch a Heilgr, der haupsächlich in Sidtiról vrehrt wert. Er håt pelafig (uma) va 240 pis 304 glép. In Forum Cornelii (sel isch die haitige italienische Stådt Imola) håt er Literatur, Grammatik unt aa an Årt Stenografie untrrichtet.

Die Legénde drzéhlt, dass’r van Patriarch va Aquileja als Pischóf nach Tiról gschickt gwórtn isch. Zem sóll er af Säbm pa Klausn gwirkt håm unt aa a Weil eingspérrt gwórtn sein. An Engl håtn pefreit.

In Imola isch er mit die Vrtrétr va dr rémischn Weltånschaung in Konflikt kémmen. Dr Richtr håtn zun Toat vrurteilt. Seine Schialr håm-en mit die Schreibstift drstóchn. Er isch Patrón va die Lehrer unt Stenografn.

In Brixn fintet ålle Jåhr zwoa Wóchn nåch Oaschtrn die Kassiansprozessión statt, zu der viel Lait ausn éschtlichn Sidtiról kémmen. Nåmenståg isch dr 13. Auguscht; in sem Tåg ischr gschtórm.

Nåch ihm isch as Dórf St. Kassian (ladinisch S. Cascian) in Gadrtål penånnt.

Literadua[VE | Weakln]

  • Die Kirche in Südtirol; Josef Innerhofer; Athesia, Bozen, 1982