Kini Edipus

Aus Wikipedia
Wexln zua: Navigation, Suach
Kini Edipus noch da Blendung
Edipus (begleit vo Antigone) gäd in de Vabannung

Kini Edipus (griach. Oἰδίπoυς Τύραννος, Oidípous Týrannos) is de dramatische Beorwatung vum Edipus-Mythos duachn Sophokles (um 429-425 v. Chr.). Es is da zwoate Tei vo da „Thebanischn Trilogie“, zu dea aa no Antigone und Edipus auf Kolonos ghean.

Seit domois is da Stoff vo vaschiedanen Dramatikan beorwat worn (Aischylos, Euripides, Xenokles, Meletos, Seneca, Friedrich Hölderlin und so weida). Da Edipus vom Sophokles sticht dabei heavoa ois a "Musta vo oana Tragedie" (Aristoteles) und ois gonz bsundas Weak vo da Wäidliteratur.

Inhoid[VE | Weakln]

Zweng am Oraklspruch, dass a duach sein oaganen Buam steam mechat, setzt da Kini Laios sein Sohn - an spadan thebanischn Kini Edipus - ois Kind im Gebiage aus. Um sicha z geh, dass a ned iwalebt, wean eam vorhea no de Fiass zastochn und de Haxn gfesslt (weng dena gschwoinan Fiass is a aa zu seim Nom kema, wei Edipus af boarisch Schwejfuass hoasst). A Hiat find eam und bringt eam zan Kinihof vo Korith, wo a vum Kini Polybos uns seina Frau Merope adoptiad wead. Duatn woxt a auf, ohne z wissen, dass des seine Ziagäitan san, bis a Orakl eam weissogt, dass a sein oaganen Voddan daschlogn und mit seina Muadda in Schand lem mechat. Deszweng valosst a Korinth und gäd auf Wandaschoft. Dabei trifft a auf oana Wegkreizung an Laios und dem seine Begleita. Es kimmt zu oana Raffarei und da Edipus daschlogt sein eiganen Voddan Laios. Nacha geht a noch Theben und bezwingt duatn de Sphinx, a Ungeheia wo de Stod bedroht, indem a ia Räzl lest. Ois Belohnung kriagt a de Iokaste, de Witwe vum Kini Laios, ois Frau und damit aa des Kinireich Theben.

Stufnweise wead im Laff vo da Zeit de Vagongenheit vum Edipus afdeckt. De Iokaste dahängt si schliassli und da Edipus blendet si glei draff mit ian goidanen Spangen. Ea wui nix ondas meara ois steam, owa ea woass, dass de Getta driwa entscheidn. Ea iwagibt seine Kinda seim Schwoga Kreon, wo de Heaschoft iwa Theben iwanimmt und geht ins Gebiage in de Vabannung.

Stammbaam vum Edipus[VE | Weakln]

   Agenor - Telephassa
          |
        Kadmos - Harmonia
               |
           Polydoros
               |              Menoikeus
           Labdakos      _________|__________
               |        |                    |
             Laios - Iokaste               Kreon
                   |
                Edipus - Iokaste
                    ___|______________________________
                   |           |            |         |
                Eteokles   Polyneikes   Antigone   Ismene

Schau aa[VE | Weakln]

Im Netz[VE | Weakln]