Ledger Heath

Aus Wikipedia
Wexln zua: Navigation, Suach
Der Artikl is im Dialekt Bassauarisch gschrim worn.
Da Ledger Heath im Jå 2006

Da Ledger Heathcliff „Heath“ Andrew (* 4. April 1979 in Perth, Western Australia; † 22. Jenna 2008[1] in New York) is a australischa Fuimschauspuia g'wen. Zweggs seina Doastejung vom Joker in The Dark Knight hoda 2009 postum an Oscar fian Bestn Nemdoasteja gwunna.

Inhoitsvazeichnis

Sei Lem [dro werkln]

Da Ledger is åis zwoats Kind vo da Ledger Bell Sally (auf d'Wejd kemma åis Ramshaw) und vom Ledger Kim im Subiaco Hospital in Perth af d'Wejd kemma. Sei Muada, a Franzäsischleararin, kimmd eigendle aus Schottland, sei Vådda, der wo Bergbauingenieur und Rennfåahra is, aus a ågsenga Familie vo da Eisengussindustrie in Perth. Da Heath und sei äidane Schwesda d'Katherine Kate hand nåch de zwoa Hauptcharaktean aus'm Roman Sturmhöhe vo da britischn Schriftstejarin Emily Brontë ghoaßn woan. Da Ledger is z'erscht af d'Marys Mount Primary School in Gooseberry Hill ganga und späda af d'Guildford Grammar School, då wo a zum Drama Club dazua ganga is. Im Jå 1989, wia da Heath zea Jåa åid woa, hammd se seine Ejtan schein lossn. Sei Muada håd an Roger Bell und sei Vådda d'Emma Brown gheirat. In de Jåa 1989 und 1997 hand seine Håibschwesdan d'Ashleigh Bell und d'Olivia Ledger af d'Wejd kemma.

Mied 17 Jåa is a vo da Schui ganga und nåch Sydney zong, wei a gmoand hod, dåss a då åis Schauspeja bessane Chancen håd. Sein erschtn Aufdried håd da Heath 1992 in da Australischn Fernsähserie Der Traum vom Clown (Clowning Around) ghåbd. Weidas håd a aa in de Fernsähserian Leinen los! (Ship to Shore) im Jåa 1993 und Sweat – Der Weg zum Sieg (1996) miedgspejd und is späda nåch Hollywood umzong. Nåch weidane Roin, då drunda aa in Der Patriot neem am Mel Gibson, is da Ledger 2001 mied da Hauptroin in Ritter aus Leidenschaft da Duachbruuch glunga.

Nåch erschdn Fernsähroina håd se da Ledger abm Endt vo de 1990a Jåa åis Hollywood-Schauspeja etabliert. Erfoig beim Publikum und Kritik håd a mied Der Patriot, Monster's Ball, Billy Bob Thornton, Halle und åis homosexuella Cowboy im Drama Brokeback Mountain gfeijad, fia dem sei Dåastejung a 2006 åis Besta Schauspeja fia an Oscar nominiad woan is.

Duach Fuim wia 10 Dinge, die ich an Dir hasse is da Ledger êha am Teeniefuim zuagordnead woan. Kommerziej schlecht glauffa is Sin Eater – Die Seele des Bösen mied Fürmann Benno. Weidane Abote im Genre Teeniefuim håd da Ledger då drafhi åbgleant. Bei Monster's Ball und da Neivafuimung vo Die vier Federn håd ma scho kennd, dåss a an Roinwechsl duachfiad. Spädastns seit 2005 woa da Ledger Heath mied seim Erscheina in Brothers Grimm und Brokeback Mountain im ernstn Roinfach etabliert.

A nächsts Projekt is d'Bob-Dylan-Biografie I’m Not There woan. Do spejd da Ledger oane vo de sechs Roina, de wo an Rockmusika vakeapan. In da Batman-Vafuimung The Dark Knight stejd da Ledger an Joker doa.

Da Ledger Heath woa vo 2002 bies 2004 mied da Watts Naomi liiert. Vo 2005 bies August 2007 håd a mied da Schauspejarin Williams Michelle, de wo a 2004 bei de Drehoabatn fia Brokeback Mountain kennagleand håd, zammad glebt. De zwoa hamm zammad a Diandl, d'Matilda Rose (* 28. Oktoba 2005), dera ihr Got is da Jake Gyllenhaal.

Doud und wos danoch bassiad is [dro werkln]

Am 22. Jenna 2008 is da Ledger doud in seim New Yorka Appartement afgfundn woan. D'Bolizei håd a Fremdverschuidung ausgschlossn und håd d'Meglekeit vo am Doud durch a Iabadosis vo vaschreibungspflichtign Tableddn briafd, de wo nem seim Bett gfundn woan hand. A am drauffoigadn Dåg durchgfiade Autopsie håd znächst amoi koane schlissign Hinweis gliafad. As späda vaeffentlichde Ergebnis vo da toxikologischn Laboruntasuachung håd ergem, dåss da Schauspuia an da vastärkadn Wechsewirkung durch d'missbräuchliche Einnahm vo mehrane Schmerz- und Beruhigungsmittln gstoam is (zua de sechs Medikamentn, de wo im Kärpa vom Schauspuia nåchgewiesn woan hand, zäin stoake Schmerzmittl, Schloftableddn sowia Medikament geng Angstattackn). D'Bolizei gehd vo am Unfåi aus.[2][3][4] D'Beisetzung vom Ledger håd am 9. Feba 2008 in Perth im engstn Groas vo seina Familie stått gfundn. D'Schauspejarin Cate Blanchett håd d'Ren bei da Drauafeija ghoitn.[5]

Vor seim Doud is da Ledger mied Drehoabatn vom Fuim The Imaginarium of Doctor Parnassus vom Terry Gilliam bschäftigt gwen; sei letzta Oabatsdåg vor am Kurzurlaub in New York is da 19. Jenna 2008 g'wen.[6] Gilliam håd d'Produktion vom Fuim unmittelboa nåch'm Doud vom Ledger untabrocha und håd d'Drehoabatn im März 2008 wiada fortgsetzt. Am Ledger sei Roin wird in de nu feijadn Szena vo drei andane Schauspeja (Jude Law, Colin Farrell und Johnny Depp) iabanumma. Da Gståitnwandel vo da Hauptfigur soi in d'Gschicht eibaud wean.[7]

Nåch da Vaeffntlichung vom Fuim The Dark Knight im Somma 2008 håd da Ledger fia sei Doastejung vom Joker postum zåireiche Preise, do davo an Golden Globe Award und an britischen BAFTA Award jeweis åis Bester Nebendarsteller gwunna. Am 22. Jenna 2009, a Joa nåch seim Doud, is d'Nominierung fia'n Oscar åis besta Nemdoasteja in da Roin vom Joker bekannt gem woan, den wo da Heath Ledger in The Dark Knight gspejd håd. Bei da 81. Oscarvaleihung am 22. Feba 2009 is da Preis vo seina Familie entgegngnumma woan. Da Heath Ledger is somied da zwoate Schauspeja nåch'm Peter Finch, der an Oscar postum griagt håd[8] und da erschte, der an entsprechadn Fuim ned moi seng håd kinna (Da Peter Finch is knapp zwoa Monat nåch da Premiere gstoam, da Heath Ledger fast a håibs Joa vor da Premiere).

Fuimografie [dro werkln]


Auszeichnunga und Nominierunga [dro werkln]

  • 1999: Australian Film Institute Award – Nominierung „Best Performance By An Actor In A Leading Role“ (Two Hands)
  • 2000: Film Critics Circle Of Australia Awards – Nominierung – „Best Actor – Male“ (Two Hands)
  • 2000: MTV Movie Awards – Nominierung „Best Musical Performance“ (10 Dinge, die ich an Dir hasse)
  • 2001: Entertainment Awards – Gewinner „Favorite Male – Newcomer“ (Der Patriot)
  • 2001: Teen Choice Awards – Nominierung „Choice Actor“, „Choice Chemistry“ (Ritter aus Leidenschaft)
  • 2001: Teen Choice Awards – Nominierung „Sexiest Love Scene“ (10 Dinge, die ich an Dir hasse)
  • 2002: MTV Awards – Nominierung „Best Kiss“, „Best Musical Sequence“ (Ritter aus Leidenschaft)
  • 2003: Film Critics Circle Of Australia Awards – Nominierung „Best Actor – Male“ (Gesetzlos – Die Geschichte des Ned Kelly)
  • 2003: Australian Film Institute Awards – Nominierung „Best Actor In A Leading Role“ (Gesetzlos – Die Geschichte des Ned Kelly)
  • 2006: MTV Movie Awards 2006 – „Best Kiss“ gemeinsam mit Jake Gyllenhaal (Brokeback Mountain)
  • 2006: Golden Globe – Nominierung „Best Actor In A Leading Role Drama“ (Brokeback Mountain)
  • 2006: Oscar – Nominierung „Best Actor in A Leading Role“ (Brokeback Mountain)
  • 2007: Bronzener Bravo Otto Kategorie "Schauspieler" (für Casanova (2005))
  • 2008: American Film Institute AFI Awards "Bester Schauspieler" (postum für The Dark Knight)
  • 2008: Spike Scream Awards – „Best Actor in a Fantasy Movie or TV Show“ (postum für The Dark Knight)
  • 2008: Spike Scream Awards – „Best Villain“ als Joker (postum für The Dark Knight)
  • 2008: Spike Scream Awards – „Best Line“ als Joker für den Satz "I believe whatever doesn't kill you makes you stranger!" (postum für The Dark Knight)
  • 2008: Spike Scream Awards – Nominierung für „Best Line“ als Joker für den Satz "Why so serious?" (postum für The Dark Knight)
  • 2008: Spike Scream Awards – Nominierung für „Best Line“ als Joker für den Satz "I will now make this pencil disappear." (postum für The Dark Knight)
  • 2008: Satellite Award-Nominierung als Bester Nebendarsteller in The Dark Knight
  • 2009: Boston Kritiker Award - Bester Nebendarsteller (postum für die Rolle als Joker in The Dark Knight)
  • 2009: Los Angeles Kritiker Award - Bester Nebendarsteller (postum für die Rolle als Joker in The Dark Knight)
  • 2009: San Francisco Kritiker Award - Bester Nebendarsteller (postum für die Rolle als Joker in The Dark Knight)
  • 2009: Washington DC Area Film Critics Association - Bester Nebendarsteller (postum für die Rolle als Joker in The Dark Knight)
  • 2009: Screen Actors Guild Award - Bester Nebendarsteller postum für die Rolle als Joker in The Dark Knight
  • 2009: People's Choice Awards- Best Onscreen Match-Up: Christian Bale & Heath Ledger in The Dark Knight
  • 2009: Golden Globe – „Best Performance by an Actor In A Supporting Role in a Motion Picture“ (postum für die Rolle als Joker in The Dark Knight)
  • 2009: Critic's Choice Award - Best Supporting Actor (postum für die Rolle als Joker in The Dark Knight)
  • 2009: BAFTA Award – Best Actor in a Supporting Role (postum für die Rolle als Joker in The Dark Knight)
  • 2009: Oscar - „Best Performance by an Actor In A Supporting Role in a Motion Picture“ (postum für die Rolle als Joker in The Dark Knight)

Im Netz [dro werkln]

Literadua [dro werkln]

Oanzlnåchweis [dro werkln]

  1. ↑ Artikel in der "Welt"
  2. ↑ Spiegel Online: Hollywood-Star Heath Ledger leblos im Bett gefunden, 22. Jenna 2008
  3. ↑ Stern.de:Todesursache: Heath Ledger starb an Medikamenten-Überdosis, 6. Feba 2008
  4. ↑ New York Times: Heath Ledger's Death is Ruled an Accident, 6. Feba 2008
  5. ↑ ORF, 9. Feba 2008
  6. ↑ filmstarts.de: Terry Gilliam: Bricht wegen Heath Ledgers Tod Dreharbeiten endgültig ab, 24. Jenna 2008
  7. ↑ Star stand-ins help complete Ledger's last film, Artikel im Guardian vom 11. März 2008, abgerufen am 27. Mai 2008
  8. ↑ http://www.imdb.com/news/ni0252488
Personendaten
NAMA Ledger, Heath
ALTERNATIVNAMEN Ledger, Heath Andrew
KURZBESCHREIBUNG australischer Schauspieler
GEBURTSDATUM 4. April 1979
GEBURTSORT Perth
STERBEDATUM 22. Jenna 2008
STERBEORT New York City

Vh „http://bar.wikipedia.org/w/index.php?title=Ledger_Heath&oldid=330356“