Levitikus

Des Buach Levitikus (hebr. וַיִקְרָא, Wajiqra; gr. Λευιτικόν, Levitikon; lat. Leviticus), im deitschn Språchraum oft oafåch des 3. Buach Mose gnennt, is des dritte Buach im jüdischn Tanach und in der christlichn Bibel (Oits Testament).

Im Hebräischn wird des Buach nåch seinen erstn Wortn „Wajiqra“ („Und er håt gruafa“) benånnt. Im Griachischn hoaßt es „Levitikon“ (lat. „Leviticus“), weil des Hauptthema vom gånzn Buach de Vorschriftn für de Templdiena ausm Ståmm Levi san.