Lungau
| Der Artikl is im Dialekt Lungaurisch gschrim worn. |
| Lungau Bezirk Tamsweg |
|
|---|---|
 |
|
| Basisdatn | |
| Bundeslond: | Soizburg |
| Vawoitungssitz: | Tamsweg |
| Flächn: | 1.019,69 km² |
| Eiwohna: | 21.121 (31. Märchz 2008) |
| Bevöikarungsdichtn: | 21 Eiw./km² |
| Kfz-Kennzeichn: | TA |
| Webseitn: | BH Tamsweg |
Da politische Bezirk Tamsweg (Standarddaitsch: Bezirk Tamsweg/Lungau) is deckungsglaich mi'm Lungau, oan vo d' fümbf Gai vom Soizburger Lond und grenzt im Westn an an Pongau, im Ostn an d' Staiermork und im Südn an Kärntn. Da Lungau is a tausnd Quadratkilometer groassas Hochplatoo im Südostn vom Bundeslond Soizburg, des ringsumadum vo hoache Gebirgszüg begrenzt wercht.
Vo Soizburg her is da Lungau üwern Rodstäder Tauernposs oder durch 'n Tauerntunnöi (A 10 - Tauernautoboo) oder mid an kloan Umweg üwer de Staiermork, im Summer üwern Söikposs und gonzjarig üwern Triamner Tauern, daraichbor. Vo Kärntn her is da Bezirk üwern Katschberg, an Katschbergtunnöi oder des Bundschuachtoi zan daraichn. Vo da Staiamork aus is da Lungau üwer de Murtoibundesstrossn, de Krakauewane oder mid da Murtoiboo zan daglonga.
Mid za. 1,3 Millionen Üwernochtigungen pro Jor is da Lungau a gonz a beliabts Urlaubszüi.
Inhoitsvazeichnis |
Gschicht[dro werkln]
Seid 'm 2. Joahrhundat v. Kr. zöihd da Lungau za Norikum, am köitischn Kinegreich. 15 v. Kr. is da Lungau vo d' Röma bsetzt wong. 50 n. Kr. is a za na römischn Prowinz wong. Vom 8. bis zan friahran 14. Joahrhundat is da Lungau unta boarischa Herrschoft gstondn. Vo 1328 bis zan Joahr 1803 hod donn d' Herrschoft vo d' Soizburga Fürsterzbischef dauat. Nochdem des Gebiet kurchze Zeid wieda unta boarischa Vawoitung gstondn is, is a 1816 midsomt Soizburg za Owaestareich kemma. Mid da Entstehung vo am oagna Kronlond Soizburg 1848, is d' Aussagob va na Londesvafossung, de aa d' Neireglung vo da Londesvawoitung und d' Eifiahrung vo da Gmoavaordung mid sich brocht hod, kemma. 1880 is da Lungau ois „ärmste“ Region vom Lond Soizburg bezeichnet wong. Grund dafir is sei Obgschlossnheit gween. Erscht durch 'n Bau vo da Tauanautoboh (1974 - 1976) hod si de Wirschoft vom Lungau wieda entwickit.
Da Samson[dro werkln]
Da Lungau is bekonnt fir seine Samsonumzüg. As erscht Moi noch da Fronleichnomsprozession und danoch no an etla Moi bis zan Septemba eine, wercht in zean Erchta vom Lungau und in zwoa Erchta va da ogrenzadn Staiamork, de seggs Meta hoache Samsonfigur, in da Höiftn va de Erchta begleitt vo zwoa Zwergla, durch 'n Orcht trong. Da Hoachpunkt va de Samsonumzüg san dé vô am Samsonwoiza begleitetn Eahrntänz.
Vawoitungsgliadarung[dro werkln]
Da Lungau gliadacht se in 15 Gmoandn, drinta send drei Morktgmoandn. In Klomman send de Eiwohnazoin mid 'm Stond vom 31. Märchz 2008.
|
Im Netz[dro werkln]
Mautndorf | Michöi | Tamsweg | Geerach | Leassach | Pforch | Muar | Rommingstoa | Andrea | Mogreatn | Tweng | Thomatoi | Unternberg | Waisspriach | Zederhaus |
