Pongau
| Der Artikl is im Dialekt Pongaurisch gschrim worn. |
| Pongau Bezirk Seiger Hons an Pongau |
|
|---|---|
 D' Log vom Bezirk in Esterreich |
|
| Baasisdaaten | |
| Stout: | Östareich |
| Bundeslond: | Soizburg |
| Eiwoner: | 78.275 (01.01.2010) |
| Bevejkerrungsdichten: | 44 Eiw./km² |
| Flächen: | 1.755,37 km² |
| Nouchbarbezirke: | Tennengau (N), Berchtsgoner Lond (NW), Spitoi (S), Lungau (SO), Pinzgau (W), Liazen (O) |
| Steed: | Seiger Hons, Behofen, Rodstoud |
| Vawoitung | |
| Bezirkshauptorscht: | Seiger Hons |
| Bezirkshauptmoo/frau: | Mag. Wimmer Harald |
| Adress vo da BH: | Bezirkshauptmannschaft Hauptstraße 1 5600 St. Johann i. Pg. |
| Nummerntoufekyrze: | JO |
| Webpräsenz: | BH St. Johann i. Pg. |
| E-Mail: | bh-st-johann@salzburg.gv.at |
Da politische Bezirk Seiger Hons (Hochdeitsch: Bezirk St. Johann im Pongau) is deckungsgleich mim Pongau, oan vo d'fymbf Gai vam Soizburger Lond. Da Sejm lijgg zwischn am Pinzgau (an Westen), Berchtsgoner Lond z'Boarn (Nordwesten), am Lungau (an Sydosten), Bezirk Spitoi in Kernten (Syn), am Tennengau (an Norn) sowia da Politischen Expositur Grebming an Bezirk Liazen in da Steiermork (Osten), mitten a d'Oipm.
D'Bezirkshauptmooschouft is in da Bezirkshauptstoud Seiger Hons unterbroucht.
Inhoitsvazeichnis |
Gschicht [dro werkln]
Da Nom Pongau (Pongawi) is umara 750 und 788 in Urkundn daweent wourn. Vom 13. Jourhunderscht bis zan Jour 1803 is a in da Herrschoft vam Erzstift Soizburg gween. Nouchdem da Pongau fyr kurschze Zeid vo Boarn annektirscht gween is, is a 1816 kurschzum mid Soizburg za Esterreich kemma. Mid da Daschoffung va an oaganan Kronlond Soizburg 1848 is a Londesvafossung aussageem wourn, dia aa d'Noireeglung vo da Londesvawoitung und de Eifiarung vo da Gmoaordnung midsich broucht houd. D'Bezirkshauptmooschouft is vo 1850 bis 1867 in Werfen unterbroucht gween und is erscht 1867 nouch Seiger Hons kemma.
Vawoitung [dro werkln]
Oie Eiwonerzoin Stond: 1. Jenner 2010, Hochdeitsche Bezeichnung vo d'Erschter in Klommern
Da Pongau gliaderscht se in 25 Gmoaner, doudrunter sand droi Steed, sijm Morktgmoaner und 15 Gmoaner.
|
Hinterschneberg
|
Sechenswerschts [dro werkln]
Liachtenstoaklomm [dro werkln]
Hauptartike: Liachtenstoaklomm
D'Klomm is netter just a pour km vam Zentrum va Seiger Hons weg und is ois Ausflugszij sear beliabb. Sij houd a Leng vo ebber 4 km, doudavo is oa km fyr Bsuacher zuagenglich. D'Fejsen sand bis za 300 m tiaf, an monche Stejn is d'Klomm groud an etler Meeter broad. D'Klomm is ywer Hoizsteeg zan ooschau, de stendig auf d'Sicherheit ywerwocht wernd. Am End vo da Klomm befindt se a Wosserfoi. Ywer d'Wintermonad iss gsperscht. Pro Jour werschts va ywer 100.000 Leit bsuacht.
Eisriasenwejd [dro werkln]
- Hauptartike: Eisriasenwejd
D'Eisriasenwejd is a Hoinsystem im Tennengebirg in da Nachand vam Ort Werfen. D'Hoi gijt mid ner Gsomtleng vo 42 km ois d'gresst Eishoi va da Wejd. Entdeckt iss durch'n Soizburger Naturforscher Anton von Posselt-Czorich wourn. Heid is d'Hoi a beliabs Ausflugszij. Netter just da erschte Kilomeeter is vaeist und vyr Fyrunger z'besichting.
Pongauer Dom [dro werkln]
D'Pfourkirch St. Johannes werscht weeng da stottlichen Bauweis aa ois „Pongauer Dom“ bezeichnt, obwoi d'Kirch nia a Bischofssitz gween is. D'entgijtig Ferschtigstejung mid dia 62 m houchen Tyrm is 1876 dafoigg. D'Kirch is a gotischer droischiffiger Hoinbau mid an oaschiffing Chor, der wous beochtliche Moosse houd.
Burg Hochenwerfen [dro werkln]
- Hauptartike: Festing Hochenwerfen
D'Festing Hochenwerfen is a Mittloiterliche Burg in Werfen. D'Festing is in da Ooloug mid da Festing Hochensoizburg zan vagleichen, de in dia sejm Jour dabaut wourn is. D'Burg tront, vo Nord und Syd guad sichtbour, am nerdlichen End vam Morkt Werfen auf am 113 m houchen Fejsenkeegai.
Bijdlgallerrij [dro werkln]
-
Da Bezirk im Lond Soizburg
-
A Listen vo dia Gmoaner
-
D' Liachtenstoaklomm in Seiger Hons
-
Seiger Hons vo om.
-
Da "Pongauer Dom"
Im Netz [dro werkln]
Schau aa unter [dro werkln]
 |
Schau aa unter: Portoi Pongau |
