Peperóni
Der Peperóni óder Peperone, wissnschåftlich isch a Gemisefrucht wås in wårme Gégetn wåxt. Es isch a „Nachtschattengewächs“ unt isch van sem her mit die Paradeis (Tomatn), Ertépfl unt Tóllkerstn verwåndt, kimmp aus Sidamerika.
In taitschn Språchraum sågg man aa Pfefferoni, Gemüsepaprika óder Paprika (Capsicum annuum). Mit Paprika pezeichnt der Sidtiróler as roate Paprikapulver, Peperóni hingégn isch der Gemisepaprika. Peperoni isch ausn Italienischn ibernummen, isch in Italienischn Plural. In Gewirzpaprika (Spanischer Pfeffer) hingégn hoaßt man in Sidtiról óft Peperontschini (pedaitet in Italienischn „kleine Peperoni“). Die Schärfn kimmp van Alkaloid Capsaicin.
Es gip verschiedne Zuchtfórmen unt Sórtn va die Peperóni, roate, gelbe, greane, unt verschiedne Fórmen, Greßn unt Konsisténz. Die groaßn Sórtn wåxn nérdlich va die Ålpm in Freiland normalerweis nét guat, sie prauchn a wårms Klima. Peperóni kånn man ångfången pa der Gemisesuppm vielfältig verwéntn, aa als Gwirz.
