Polokwane
| Der Artikl is im Dialekt Obaboarisch gschrim worn. |
| Polokwane | ||
|---|---|---|
|
||
| Datei:Koartn | ||
| Basisdatn | ||
| Staat | Südafrika | |
| [[|]] | ||
| Distrikt | Capricorn | |
| Gmoa | Polokwane | |
| Hechn | 1.312 m | |
| Eiwohna | 140.154 (2010) | |
| Grindung | 1886 | |
| ISO 3166-2 | ZA-LP | |
| Hoamseitn | www.polokwane.org.za (englisch) | |
| Omeakung | ||
 |
||
Koordinaten: 23° 54′ S, 29° 27′ O
De Stod Polokwane (bis 2005 Pietersburg) liegt in da Gmoa Polokwane, Distrikt Capricorn, Provinz Limpopo in Sidafrika. Dees is de Haptstod vo da Provinz Limpopo.[1]
Inhoitsvazeichnis |
[drå werkln] Gschicht
De Stod wo 1312 Meta iwan Mearesspiagl liegt, is 1886 vn Voortrekkern grindd vorn und nochm General Petrus Jacobus Piet Joubert Pietersburg gnennt worn. Wearend am Zwoatn Burenkriag wor de Stod de Haptstod vo da Burenrepublik Transvaal. 1901 is de Stod vo de Britn eaobat worn.
De sidafrikanische Regiarung hod 2002 a landesweite Umbenennung von Steddn gstartet, vo dena de Nama on de Apartheid eainnat ham. So is 2005 aa de Stod Pietersburg in Polokwane umgnennt worn.[2] Polokwane is dees Sepedi-Wort fia „a sichara Ort“.[3]
1984 ham 79.000 Menschn (davo 14.000 Weisse) in da Stod glebt. Z Polokwane lebm heit 140.154 Eiwohna (Stand: 2010; Hochrechnung).[4] Nebm am Bohhof und am Flughofn gibst in da Umgebung a Diamantnmine und do wead bsondas reina Quarzsand obbaut. Zoireiche Industriebetriebe ham si ogsiedlt.
[drå werkln] Klima
Polokwane hod zweng seina Hehnlog a gmeesigts Klima mit mittlan Dogeshextweatn vo 25 °C bis 26 °C und mittlan Diafsttemperatuan um 15 °C in de Summamonat vo Novemba bis Feba. In de Wintamonat Juni und Juli foin de mittan Diafsttemperaturen bis af 5 °C, de Dogeshextweate eareichn im Monatsmittl eppa 18 °C bis 19 °C. Niadaschleg foin vor oim im Summa (um 90 mm pro Monat), de Wintamonat san eha drockn.[5]
[drå werkln] Tourismus
Da Natuapark Polokwane Nature Reserve is a Attraktion fia Touristn. Do san vor oim vui Vogloartn dahoam. Vo bsondam Interesse is aa dees Bakone Malapa Open-Air Museum, dees wo Gschicht und Kuitua vom Sotho-Voik presentiat.
Polokwane wor Austrogungsort vn Spuin vo da Fuassboi-Wejtmoastaschoft 2010. Via Gruppmspui ham im Peter-Mokaba-Stadion stottgfundn.
[drå werkln] Berihmdheitn
- Retief Goosen, Profigoifa
- Victor Matfield, Rugbyspuija
- John Smit, Rugbyspuija (Nationalmoschoft)
[drå werkln] Literatua
- Der große Coron von 1992, Band 14
[drå werkln] Im Netz
- Hoamseitn vo da Stod (englisch)
- Polokwane Info
[drå werkln] Beleg
- ↑ Gemeindegrenzen Südafrika
- ↑ "Old PlaceNames" (in englisch). Department of Arts and Culture. http://sagns.dac.gov.za/Public/OldPlaceNames.aspx. Retrieved on 2010-04-10.
- ↑ Namensbedeutung Gemeinden
- ↑ "World Gazetteer: Republik Südafrika – die wichtigsten Städte". World Gazetteer. http://bevoelkerungsstatistik.de/wg.php?x=&men=gcis&lng=de&des=gamelan&geo=-245&srt=pnan&col=abcdefghimoq&msz=1500&pt=c&va=x. Retrieved on 2010-04-06.
- ↑ Klimatabelle für Polokwane, Südafrika
