Prinzregentntortn
Aus Wikipedia
(Weidergloatt voh Prinzregententorte)
De Prinzregentntortn is a boarische Tortn, de wo aus 7-8 Biskuit-Schichtn mit oana Schokocreme dazwischen besteht. De Schichtn soin de Beziake vo Bayern symbolisian (zua Zeit vom Prinregentn woans 8 heit sans 7). Aussn is se mit am Schokoguss iwazogn. De Tortnspezialitet hod fia Minga ungefea so a Bedeitung ois wia de Sachertortn aus Wean. A wann de Prinzregentntortn international lang ned so bekonnt is, z Bayern is praktisch in jeda Konditorei vatretn.
Da Nom vo da Tortn kimmt vom Prinzregent Luitpold, dea wo ab 1886 Prinzregent z Bayern woa. Wea de Tortn eafundn hod, is unklor. Am haifigstn wean da Hofbecka Anton Seidl, da Hofkonditor Heinrich Georg Erbshäuser und da Hofkonditor Julius Rottenhöfer gnennt.
[drå werkln] Schau aa
[drå werkln] Biachl
- Irene Krauß: Chronik bildschöner Backwerke. Hugo Matthaes Druckerei und Verlag, Stuttgart 1999, ISBN 3875162927
