Radio

Aus Wikipedia
Wexln zua: Navigation, Suach
An Haufa Radios

A Radio (v. lat.: radius = der Strahl) is a Apparat, mit dem ma a Heafunkprogramm, des zum Beispui iwa UKW (Ultrakuazwoin) gsend werd, empfanga ko. Dobei wern aus elektromagnetischn Woin, dia vo am Rundfunksenda ausgstroit wern (wia zum Beispui vo dem, dea aufm Wendlstoa steht) vom Radio empfonga und donn wieda zu na Musi oder in Sproch umgwondelt.

Friaga hots kot Rehrnradios gem, aus dem Grund wor so a Radio a schware, grouße und vor oim a teire Gschicht. So in de 70'zga Joa san donn der eastn Transistorradios aussakemma. Dia woan wesentlich kloana, leichta und ham weniga Strom braucht. Vo do weg wor da Radio net kot fia dahoam, sondan hot a mitgnumma wern kina, zum Beispui an See zum Bod'n.

De meistn Radiosenda stroin eana Programm heit iwa UKW aus, owa es gibt scho neiane Vafohrn, wia zum Beispui as DAB (Digital Audio Broadcasting (Digitaler Tonrundfunk)), DAB+, DRM (Digital Radio Mondiale) und no fui mehra.