Rosch Haschana

Aus Wikipedia
Wexln zua: Navigation, Suach
Schofar (by Alphonse Lévy), de Inschrift sogt: "Auf a guads Joa"
a Schofar, a Widdahoan, is a Symboi fia Rosch Haschana

Rosch Haschana, aa Rosch ha-Schana (Jiddisch Roischeschune, Hebräisch ראֹשׁ הַשָּׁנָהKopf bzw. Aunfaung vaum Joa) is da jidische Neijoasdog.

Da jidische Neijoasgruass haast: 'schana tova („a guads Joa“) oda aa שנה טובה ומתוקה 'schana tova u'metuka („a guads und siass Joa“).

Unsa Silvestergruas „an Guadn Rutsch“ is etymologisch meglichaweis vawaundt bzw. a Verballhornung vaum Hebräischn ראש השנה טוב Rosch ha-Schana tov (= an guadn Aunfaung). Dea Spruch deafat eascht im 20. Joahundat im Austro-Boarischn glaifig wuan sei.

Da Zeitpunkt vaum jidischn Neijoa[VE | Weakln]

Des Datum vaum jidischn Neijoasdog wexlt Joa fia Joa, weu da traditionölle jidische Kalenda noch Mondmonatn rechnet. Es findt owa imma im Septemba oda Oktoba stott.

De Tabön zagt auf, auf wöchas Datum Rosch Haschana jeweus foit. Rosch Haschana faungt scho am Vuaomd (noch Sununtagaung) vua dem Dog aun, dea wos in da Tabön aungem is, weu si da jidische Dog nochn Mond richt.[1]

Joa nochn jidischn Kalenda Datum nochn gregorianischn Kalenda
5770 19. Septemba 2009 (Sa)
5771 9. Septemba 2010 (Do)
5772 29. Septemba 2011 (Do)
5773 17. Septemba 2012 (Mo)
5774 5. Septemba 2013 (Do)
5775 25. Septemba 2014 (Do)
5776 14. Septemba 2015 (Mo)
5777 3. Oktoba 2016 (Mo)
5778 21. Septemba 2017 (Do)
5779 10. Septemba 2018 (Mo)
5780 1. Oktoba 2019 (Di)
5781 19. Septemba 2020 (Sa)
5782 7. Septemba 2021 (Di)
5783 26. Septemba 2022 (Mo)

Tradition[VE | Weakln]

Rosch Haschana is nochn Talmud da Joaresdog vau da Wödschepfung und da Joaresdog vau da Gebuat vaum Adam. Es is da Dog wo ma moralische Bilanz ziagt und in Heagod um a guade Zukumft bittet.

Es is aa da Dog vaum Schofar-Blosn. In da Tora wiad dea Dog aa Dog vaum Schofar gnennt.

Wos Gwaund, Woschn, Hoaschneidn, innare Vuabereitung und Moizeitn betrifft, untascheidt si Rosch Haschana net wesentlich vau aundan jidischn Feiadogn.

Beleg[VE | Weakln]

  1. Online-Ausgabe der Berliner Morgenpost, Rosch ha-Schana: Ein gutes neues Jahr 5769!, 06.10.2008

Im Netz[VE | Weakln]

 Commons: Rosch ha-Schana – Sammlung vo Buidl, Videos und Audiodateien