Schloss Lichtenstein

Der Artikl is im Dialekt Obaboarisch gschriem worn.

S'Schloß mid am gleichnamign Ort im Doi untn

...

Es Schloss Lichtenstein bzw. boarisch Schloos Liachtnstoa werd aa "Württembergs Märchenschloss" gnennd. Da Wilhelm Graf vn Württemberg hods zwischn 1840 und 1842 baun lassn. De Vorlag wor de Vorstellung vo na echtn middloitalichn Buag, wias im Historismus recht beliabt wor. So gseng hods vui Ehnlichkeit zum Ludwig II seim Meachenschloß Neuschwanstein.

Lage

Es Schloss liagt bei Honau, des wo zua Gmoa Lichtenstein gheard im Landkroas Reutlingen in Baden-Württemberg. De Hää is 817 Meta iaba Normal-Nui. De Landschoft duatn is de schwäbische Oib. 500 Meta sidestlich ligt de Ruine vo da echtn middloitalichn Buag.

Gschicht

Am Wilhelm Graf von Württemberg hod an dea Stej a Jagdschloss gheard. Er hod a rechte Freid am Sammln vo Waffn, Ristunga und Buidln ghobt. Dafia woid a a Gebaide baun lossn, wo a des ois ausstelln kunt. Do eam offnsichtli aa da Roman Lichtenstein vom Hauff Wilhelm recht guad gfoin hod, is an dera Stej a Schloß im Stil vo na oidn Riddabuag baut worn. De echte Buag, vo dea a scho zu dera Zeit nua no a Ruin iabrig wor, kimmt recht vui in am Roman vor.