Schloss Lichtenstein
| Der Artikl is im Dialekt Obaboarisch gschrim worn. |
Koordinaten: 48° 24′ 24" N, 09° 15′ 29" O
S' Schloß Lichtenstein werd a ois "Württembergs Märchenschloss" bzeichnet. Da Wilhelm Graf von Württemberg hod's zwischn 1840 und 1842 baun lassn. D' Vorlag war de Vorstellung vo na echtn mittloiterlichn Burg, wia's im Historismus recht bliebt war. So gseng hod's fui Ähnlichkeit zum Ludwig II seim Märchenschloß Neuschwanstein.
[drå werkln] Lage
S' Schloß liagt bei Honau, des zua Gmoa Lichtenstein gheard im Landkreis Reutlingen in Baden-Württemberg. D' Häch is 817 Meta iaba Normal-Nui. D' Landschaft durtn is d' schwäbische Oib. 500 Meta sidöstlich ligt de Ruine vo da echtn mittlalterlichn Burg.
[drå werkln] Gschicht
Am Wilhelm Graf von Württemberg hod an dea Stäi a Jagdschloß gheard. Er hod a rechte Freid am Sammln vo Waffn, Rüstunga und Buidln ghobt. Dafia woid a a Gebäude baun lossn, wo a des ois ausstelln kunt. Do eam offnsichtlich a da Roman Lichtenstein vom Hauff Wilhelm recht guad gfoin hod is an dera Stäi a Schloß im Stil vo na oidn Rittaburg baut worn. Dea echte Burg, vo dea a scho zu dera Zeit nua no a Ruin iabrig war kimmt recht vui in dem Roman vor.
