Stony Brook Grist Mill

Aus Wikipedia
Wexln zua: Navigation, Suach
De Grist-Mih
Da Teich vo da Grist-Mih am Mihn-Boch

De Stony Brook Grist Mill (de Grist-Mih vo Stony Brook) is a Museums-Mih z Stony Brook, New York, de wo im National Register of Historic Places glistet is.[1].

Des heitige Gebaide vo da Grist-Mih geht aufs Joa 1751 zruck. Es is oba scho fia 1699 a Mih auf dem Grund urkundli nochgwiesn.

De Mih woa amoi a zentrala Oat fia de Doafgmoaschoft. Bis in de 1940 Joa hom Bauan eana Korn zum Moin do hi brocht. Vo 1922 bis 1952 is de Mih vom Frank Schaeffer betriem woan. Des Woaznmeh, des wo do produziat woan is, is in 41 Stootn vo da USA vakafft woan.

Heit is de Grist-Mih a Museum, des wo de Mih im Betrieb zoagt.[2] De Mih is vo Mai bis Oktoba offn und in Betrieb und lockt vui Bsuacha o.

De Grist-Mih is vom Philanthropn Ward Melville 1947 kafft woan, am gresstn Feadara vo Stony Brook, dea wo an historischn Weat vo em Gebaide eakonnt hod. Heit gheat de Mih da Ward Melville Heritage Organization.

Beleg[VE | Weakln]

  1. Suffolk County Listings on the National Register of Historic Places
  2. Stony Brook Grist Mill (Ward Melville Heritage Organization)

Im Netz[VE | Weakln]