Vawoitungsgmoaschoft
| Der Artikl is im Dialekt Obaboarisch gschrim worn. |
A Vawoitungsgmoaschoftn san Keapaschoftn vom effentlichn Recht in de deitschn Bundeslända Baden-Württemberg, Bayern, Sachsen, Sachsen-Anhalt und Thüringen. Da Begriff wead owa aa teiweis fia gebietsunobhängige Gmoaschoftn zua gmoasamen Nutzung vo ana Vawoitungsstruktur in da effentlichn Vawoitung vawend (z. B. fia de Fachhochschui vom Bund fia effentliche Verwoitung mit da Bundesakademie fia effentliche Vawoitung).
[drå werkln] Aufgobm
Zu dena Aufgobm vo ana Vawoitungsgmoaschoft zäin z. B. de Afstejlung vo Flächnnutzungsplänen, Obwossabeseitigung, Kassngschäfte oda s Friedhofs- und Feiawehrwesn. Sie ko oba aa de Trägaschoft vo Grundschuin, de Untahoidung vo Gmoandnvabindungsstroßn und weidane Afgobm vo de Mitgliedsgmoana iwanehma bzw. soichane Afgobm kena a iwatrogn wean, wia beispuisweis da Fremdnvakea.
