Wåppm vu Südgeoagien und vu de Südlichn Sandwichinsln
| Der Artikl is im Dialekt Owaöstareichisch gschrim worn. |
Das Wåppm vu Südgeoagien und vu de Südlichn Sandwichinsln is im Joa 1985 ãugnumma woan, åiso in dem Joa, in dem des Territorium a eingne Vafåssung kriagd håd. Voahea han Südgeoagien und de Südlichn Sandwichinseln a de Falklandinseln untastöid gwesn und s'Wåppm vu dera Inslgruppm håd fia Südgeoagien aa güitig gwesn. Voa 1962 is des Gãnze nu a Teu britischn Antarktis-Territorium gwen und desweng is dåzumåis s'Wåppm vu dem Territorium heagnumma woan.
S'Wåppm vu Südgeoagien und vu de Südlichn Sandwichinsln bestehd aus am Schüid, in dem a goidena Löwe auf am greanen Hintagrund a goidene Fåggi mid ana rodn Flãmme in seine Brazn håd. Des soi s'Vareinigte Kinireich und d'Entdeckungsgschicht sümbolisian. In dem Föid san üwa'm Löwn nu zwoa goidene sexzackige Stean, links und rechts vu dem bis iatst bschrimnen siachd ma a blau-süibans Rautnmusta, des ma si vum James Cook seim Wåppen ågschaud håd.
Heraldisch gseng rechts vum Schüid stehd a Seebäa auf am Föisn, eam gengüwa a Goidschopfpinguin auf ana Eisschoin. Des han zwoa Viecha, de in Südgeoagien dahoam san. De Viecha han in eanara natialichn Fåab dåagstöid. Üwa'm Wåppm schaud am a Rentia entgeng. Zwischen dem Viech und am Schüid is a Höim mid blau-süibana Höimzia. Unta'm Wåppm stehd auf ana Schleifn auf Lateinisch gschrim s'Motto vu de Insln: „Leo Terram Propriam Protegat“ (da Löwe soi sei eingnes Lãnd beschützn).
Des Wåppm is aa in da Flaggn vu dem Gebied åbüidlt und in da Unionsflaggn vum Zivüikommissar.
-
D'Flaggn vu Südgeoagien und vu de Südlichn Sandwichinsln
-
D'Unionsflaggn vum Zivüikommissar
S'Wåppm vum Departamento Islas del Atlántico Sur [dro werkln]
Argentinien beãnspruchd de Insln åis Teu vum Departamento Islas del Atlántico Sur (Beziak Südatlantische Insln) fia si und rechnt's da Provinz Feialãnd zua. S'Wåppm vu dea Provinz güit in eanara Sicht aa fia Südgeoagien.
