Wüstnfux
Aus Wikipedia
| Der Artikl is im Dialekt Owaöstareichisch gschrim worn. |
| Wüstnfux | ||||||||||||
|---|---|---|---|---|---|---|---|---|---|---|---|---|
|
||||||||||||
| Systematik | ||||||||||||
|
||||||||||||
| Wissnschåftlicha Nåm | ||||||||||||
| Vulpes zerda | ||||||||||||
| Zimmermann 1780 |
Da Fennek (Vulpes zerda, friaha Fennecus zerda) oda Wüstnfux is de kleanste vu ålle bekãnntn Wüidhundeåatn. Ea is guad ans Lem in da Wüstn ãpasst.
Inhoitsvazeichnis |
[dro werkln] Merkmåle
D'Läng vu Schedl und Rumpf is knåppe viazg Zanti und d'Hechn vu seina Schuita so um de zwoanzg. De Oahn vum Fennek san åba alanig fuchzehn Zentimeta lãng. Sei Schwãnz håd a Läng vu ungefäa 25 cm, s'Gwicht kimmt so auf de anahåib Kilo. Sei Föi håd a krem-göibe Fåab, d'Untaseitn und stöinweis aa s'Gsicht san weiß. De übapropoazional lãngen Oahn san greßa wia bei ålle ãndan Wüidhunde und san fia'd Reguliarung vu da Köapahitzn guad.
[dro werkln] Lemsraam
Sei Nãm låsst's schã vamutn: Da Wüstnfux lebt in da Wüstn – bsundas duat, wo's sãndig is und wo ma Dünen findt. Dahoam san's in da Sahara und in de ãngrenzndn Gegndn und teilweis in Arabien und am Sinai.
[dro werkln] Lemsweis
Damit eam d'Hitz vum Tåg nix tuad, gehd da Fennek netta in da Nåcht leischn. D'Wüstnfix lem in kloane Vabänd vu fuchzehn bis zwoanzg Viecha in am Bau, dea aus unmittlbåa unta da Obaflächn liegadn Reahn gmåcht is. Bei ana Gfåah kã si a Fennek aa gach in dn lockan Wüstnsãnd eigråm.
Fressn tuad a Meis, Eidexn und Heischreck. Vegi mecht a aa, dawischt a åba ned so oft. Vegetarischs Fuada gibt's duat, wo a lebt, mea oda weniga ned, in Gfãngenschåft frisst a åba aa Obst und Bedln. Des Wåssa, wås a braucht, hoid a si greßtnteus aus seim Fressn; findt a åba a Wåssaloch, sauft a duat schã aa.
Nåch ana Trågzeid vu fuchzehn bis zwoanzg Tåg bringt a Wüstnfüxin zwoa bis via Wöipn auf'd Wöid. In da Zeid voa und nåch da Gebuat is s'Mandal wãhnsinnig aggressiv und vateidigt s'Weiwal geng an jedn Fremdn, dea daheakummt. Da Nåchwuchs bleibt fia ungefäa a Jåah bei seina Famülie.
S'arabische Woat Fenek (فنك) güit ned netta fia'd Wüstnfix, sondan aa fia'd Håsn. Des kã ma då drauf zruckfüahn, dass da Fennek lãnge, spitze Oahn håd, de an an an Håsn erinnan.
Laut da IUCN föihn Ãgåm üba'd Greßn vu da Populazjon vu de Wüstnfix und aa üba'd Bestãndsentwücklung woaß ma nix. Es warat åiso möglich, dass da Fennek gfäahdet is.
[dro werkln] Weblinks
| Commons: Fennek – Buidl, Videos und/oda Audiodatein |
- Da Wüstnfux in da tierenzyklopaedie.de
- Vulpes zerda in da Roudn Listn vum IUCN 2006. Eigstejt vo: Asa et al, 2004. Version vum 12. Mai 2006
